சுவீடனில் அரசு ஊழியர்களுக்கு இனி 6 மணி நேர வேலை தான்

by நாஞ்சில் குமார் Fri Apr 11, 2014 4:01 pm

சுவீடன் நாட்டில் உள்ள கோதன்பர்க் நகரின் மேயர், ஆறுமணிநேரம் வேலை என்ற புதிய திட்டத்தை அரசு ஊழியர்களுக்கு அறிமுகப்படுத்தியுள்ளார். அரசு ஊழியர்கள் அடிக்கடி உடல்நிலை சரியில்லாத காரணத்தால் விடுமுறை எடுக்கின்றனர்.எட்டுமணி நேரம் தொடர்ந்து வேலை செய்வதால் உடல் மற்றும் மன அழுத்தம் ஏற்படுகிறது என்றும் ஆய்வில் கண்டுபிடிக்கப்பட்டது.

இந்த பிரச்சனைக்கு தீர்வு காண முழுநாள் சம்பளத்துடன் ஆறுமணி நேர வேலை என்ற புதிய திட்டத்தை கோதன்பர்க் நகர மேயர் மேட்ஸ் பில்கம் கொண்டு வந்துள்ளார். முதல்கட்டமாக இரண்டு துறைகளில் இந்த புதிய முறை கொண்டு வரப்பட்டுள்ளது. இந்த இரண்டு துறைகளில் கிடைக்கும் ரிசல்ட்டை பொருத்து நாடு முழுவதும் இந்த திட்டத்தை அமல்படுத்த முடிவு செய்யப்பட்டுள்ளது.

சுவீடன் நாட்டில் அரசு ஊழியர்களுக்கு ஆறுமணி நேரம் வேலை என்ற திட்டம் புதியதாக அறிமுகப்படுத்தப்பட்டுள்ளது. இந்த புதிய வேலை நேர மாற்றத்தினால் ஊழியர்களின் உடல் மற்றும் மனம் புத்துணர்ச்சியுடன் இருக்கும் என்றும், ஊழியர்களின் விடுமுறைகள் குறையும் என்றும், வேலையும் சுறுசுறுப்பாக இருக்கும் என்றும் எதிர்பார்க்கப்படுகிறது.

நன்றி: தினத்தந்தி