கடலில் மீட்கப்பட்ட இந்திய வெள்ளியால் இங்கிலாந்தில் நாணயம் தயாரிப்பு

கடந்த 1941–ம் ஆண்டு, கொல்கத்தாவில் இருந்து லண்டனுக்கு ஓர் இங்கிலாந்து கப்பலில் இந்திய வெள்ளி கட்டிகள் அனுப்பப்பட்டன. 2 ஆயிரத்து 800 வெள்ளிக்கட்டிகள் அனுப்பப்பட்டன. அது இரண்டாம் உலகப்போர் காலம் என்பதால், அயர்லாந்து கடல் பகுதியில் சென்று கொண்டிருந்த போது, அக்கப்பலை ஜெர்மானிய நீர்மூழ்கிக்கப்பல் மூழ்கடித்தது. அதையடுத்து, வெள்ளிக்கட்டிகளுடன் அந்த கப்பல் கடலிலேயே கிடந்தது.
70 ஆண்டுகள் கடந்த நிலையில், கடந்த 2011–ம் ஆண்டு அந்த கப்பல் கண்டுபிடிக்கப்பட்டு, கடலில் இருந்து வெளியே எடுக்கப்பட்டது. கடலில் 3 மைல் ஆழத்தில் அக்கப்பல் கிடந்தது. அது, ‘டைட்டானிக்’ கப்பல் கிடந்த ஆழத்தை விட அரை மைல் அதிகம் ஆகும். கப்பலுடன் மீட்கப்பட்ட வெள்ளிக்கட்டிகளின் ஒருபகுதி, இங்கிலாந்து நாணய அச்சிடும் ஆலைக்கு அனுப்பி வைக்கப்பட்டது.அந்த வெள்ளிக்கட்டிகளை பயன்படுத்தி, அந்த ஆலையில் இங்கிலாந்து நாணயங்கள் அச்சிடும் பணி நடந்து வருகிறது.

நன்றி: தினத்தந்தி.

   

  

அன்று பல கோடி கணக்கான தங்கமும் வைரமும் வைடூரியமும் நமது நாட்டிலிருந்து கடத்தப் பட்டன. இன்று நம்மால் தலைவர்களாக தேர்ந்து எடுக்கப் பட்டவர்கள் சுவிஸ் வங்கியில் பணமாகவும் தங்க கட்டிகளாகவும் கடத்துகிறார்கள்.