ஒரு அப்பாவின் வலி

by karthik71 Sat Apr 12, 2014 1:21 am

எனக்கு தெரிந்த கவிதை

அப்பாவின் வலி
அப்பா ஆகும்போதே புரியும்...
ஒரு அப்பா குடும்பத்தையே சுமந்து
சைக்கிள் மிதிக்கிறார்...
ஒரு அப்பா குடும்பத்துக்காகவே
மீன் கூடையை
சைக்கிளில் சுமக்கிறார்...
ஒரு அப்பா மன உளைச்சலை
வெளியே விட்டு
சிரித்த முகத்துடன் வீட்டுக்குள்
நுழைகிறார்...
ஒரு அப்பா பண்டிக்கைகல்
முன்னிரவில்
கடன் கேட்டு வீதியில் அலைகிறார்...
ஒரு அப்பா ஜவுளிக்கடைக்குள ்
குடும்பத்தை அனுப்பிவிட்டு
தள்ளு வண்டி காரனிடம்
டவல் வாங்குகிறார்...
ஒரு அப்பா கடன்காரனுக்கு பயந்து
தெரு சுற்றி காலம் கடந்து
பசியோடு வீடு வருகிறார்...
பாவம் அப்பாக்கள்...

by ஜேக் Sat Apr 12, 2014 7:31 am

கவிதை மிக அருமை சூப்பர்

ஏனென்றால்...

எல்லா குழந்தைகளும்... ஆணோ, பெண்ணோ... அது தாயின் தியாகத்தை மட்டுமே பார்க்கக்கூடிய கண்ணோட்டத்தை பெற்றிருக்கும். எனவே, தாயையே புகழும். தந்தையின் தியாகம் தாய் விடும் ஒரு சொட்டு கண்ணீரில் கரைந்து மறைந்து விடும். இன்று உலகமே தாயை மட்டுமே போற்றி, தந்தையின் தியாகத்தை இருட்டடிப்பு செய்கிறது.

என்னைப் பொறுத்தவரையில் இருவரின் தியாகமும் ஒன்றே. அதை வேறுபிரித்து பார்க்க இயலாது. தந்தையைவிட தாயே சிறந்தவள் என பட்டிமன்ற ரேஞ்சுக்கு கொண்டு செல்லகூடாது. ஒருவரை மட்டும் உயர்த்தி மற்றவரை மறைப்பது மாபெரும் தவறு.

தந்தையிடம் கேட்டால் தாயே சிறந்தவள் என்பார். தாயிடம் கேட்டால் தந்தையே சிறந்தவர் என்பார். ஆனால் பிள்ளைகளிடம் கேட்டால்... தந்தையைவிட தாயே சிறந்தவள் என்பார்கள். காரணம்... தந்தையின் கண்டிப்பு பிள்ளைகளுக்கு கசப்பை தருகிறது. வேறொன்றுமில்லை. இன்றைக்கும் பெற்றோரை வயதான காலத்தில் ஏலம் விடும் பிள்ளைகளை காணலாம். கவிதையிலுமா?

முக்கியமாக கவிஞர்கள் முதலில் திருந்தனும். தாயைப்பற்றி மட்டும் வானாளவ புகழ்ந்து, தந்தையை பற்றி எழுதுவதற்கு வார்த்தைகளில்லை என பிரிவுண்டாக்குவது மாபெரும் தவறு. இனிவரும் இளைய சமுதாயத்திற்கு இப்படிப்பட்ட பிரிவை கவிதைகளாக எழுதாமல்... இருவரின் தியாகத்தைப்பற்றி ஒருசேர எழுதி... தந்தை தாயை மதிக்க, போற்ற வழிவகை செய்யுங்கள். புண்ணியமாப் போகும்...

குடும்பங்களுக்குள் சண்டை வராமலாவது இருக்கும்.

by P Ramachandran Sat Apr 12, 2014 10:23 am

karuthukkal miga arumai. Yennaiporutha varai appa yengira "appavi" yagathan appakkal sitharikkapadugirargal. In tha karuthinai mattra vendum. Amma alavukku appakkalum pala thiagangalai seigirargal yenbathe unmai.

by ஸ்ரீராம் Sat Apr 12, 2014 4:49 pm

ஜேக் wrote:கவிதை மிக அருமை

உண்மைதான்.

கவிதை மிக அருமை

by நாஞ்சில் குமார் Sat Apr 12, 2014 9:21 pm

உண்மையின் உரை கல்லாக கவிதை அமைகிறது.

by முரளிராஜா Sat Apr 12, 2014 10:07 pm

கவிதை அருமை
ஜேக் அவர்களின் கருத்தும் மிக அருமை

by sreemuky Sun Apr 13, 2014 12:31 am

அப்பாக்கள் செய்யும் தவறு என்னவென்றால் குடும்ப சுக துக்கங்களை பிள்ளைகளிடம் பகிர்வதில்லை. காரணம், நம் கஷ்டம் நம்மோடு போகட்டும், பிள்ளைகள் மகிழ்ச்சியாக இருக்கட்டும் என்ற சீரிய நோக்குதான். தான் கடன் பட்டாவது பிள்ளைகளை நல்ல நிலைமைக்கு கொண்டு வருபவர் ஒரு தகப்பனே. தாய் வேலைக்கு செல்லாதவராக இருந்தால், குடும்பத்தின் பாரம் அனைத்தும் சுமக்கும் கோவேறு கழுதையாக அப்பா இருக்கிறார்.

தாயிற் சிறந்த கோவிலும் இல்லை! - தெய்வமாக போற்ற தகுந்தவள் தாய்.

தந்தை சொல் மிக்க மந்திரம் இல்லை - ஒரு தந்தையின் அறிவுரை இறைவனுக்கு ஓதப்படும் மந்திரத்தை விட மேன்மயானது. ஒவ்வொரு ஆணும் தான் தகப்பனாகும் பொழுது, தான் வாழ்வில் வளர்ச்சி அடையும் பொழுது நிச்சயம் இதை உணர்வான். ஆனால் அப்போது அவனுடன் அவனது தந்தை இருக்கும் பாக்கியம் வெகு சிலருக்கே கிடைக்கிறது.

தாயை போற்றுவோம் - தந்தையை மதிப்போம்