மாதவிடாய் காலங்களில் உண்ண வேண்டிய சத்தான உணவுகள்

பீரியட் வரும் நாட்கள் பொதுவாகவே பெண்களுக்கு மிகவும் எரிச்சலூட்டுவதாகவும், சோர்வடையச் செய்வதாகவும் மற்றும் வெறுப்பூட்டுவதாகவும் இருக்கின்றன. மாதவிடாய் காலத்தில் சத்தான உணவுகளை எடுத்துக் கொள்ள வேண்டும்.

அந்த வகையான உணவுகள் தான் உடலுக்குத் தேவையான சக்திகளை உற்பத்தி செய்து தருகின்றன. மாதவிடாய் காலத்தில் சாப்பிட வேண்டிய உணவுகளை பார்க்கலாம்…

காம்ப்ளக்ஸ் கார்போஹைட்ரேட்கள் உள்ள பழங்கள், காய்கறிகள் மற்றும் முழு உணவுகளை மாதவிடாய் உணவுகளை சாப்பிடவும். இதில் கேரட், பாதாம் பழம், ஆரஞ்சு பழம், ப்ளம்ஸ் போன்றவற்றை நீங்கள் சேர்த்துக் கொள்ளலாம். மாதவிடாய் காலங்களில் வைட்டமின்கள் நிறைந்த உணவை சாப்பிட வேண்டியது அவசியமாகும்.

வைடட்டமின் ஈ சாப்பிடுவதால் உங்களுக்கு PMS பிரச்சனை குறைகிறது. வெண்ணைய் பழம் மற்றும் முட்டையின் கருவை சாப்பிட்டு வைட்டமினை ஈ பெருமளவு பெறலாம். மேலும் வைட்டமின் பி6 வயிறு உப்புசமடைவதை குறைக்கிறது. வைட்டமின் சி உங்களுடைய இனப்பெருக்க உறுப்புகளின் நலனை மேம்படுத்துகிறது.

திராட்சை மற்றும் எலுமிச்சையில் வைட்டமின் சி நிறைந்திருக்கிறது. உருளைக்கிழங்கை உணவில் சேர்த்துக் கொண்டால் வைட்டமின் பி6 கிடைக்கும். உங்களுடைய உணவில் காப்ஃபைனை சேர்த்துக் கொள்ளாமல் இருக்க வேண்டிய பருவமாக இது உள்ளது.

நீங்கள் காப்ஃபைன் குடிக்கும் போது, அது வலியை ஏற்படுத்தும் அமிலங்களை வயிற்றில் உற்பத்தி செய்கிறது. உங்களால் காபி குடிக்காமல் இருக்க முடியாத பட்சத்தில் டீ குடியுங்கள். காபி குடிப்பதற்கு மாறாக டீ குடித்தால் காபிக்கான ஈடுபாடு குறையும்.

முழு தானியங்கள், பழங்கள் மற்றும் காய்கறிகள் ஆகியவை உங்களுடைய உணவில் நிறைந்திருக்க வேண்டும். இந்த உணவு சரிவிகிதமாகவும் இருக்க வேண்டும்.

உங்களுடைய உணவுகளில் திரவ உணவுகள் இருப்பதையும் உறுதிப்படுத்திக் கொள்ளுங்கள். மாதவிடாய் காலத்தில் நிறைய தண்ணீர் குடியுங்கள். மாதவிடாய் காலத்தில் நல்ல, சத்தான உணவை சாப்பிட்டு உடலையும், மனதையும் ஆரோக்கியமாக பராமரியுங்கள்.

 மகளிர்க்கு பயன்தரும் பகிர்வு.நன்றி அண்ணா   

மகளிர்க்கு பயன்தரும் பதிவு