நீச்சலில் சாதனை படைக்கும் 2 வயது குழந்தை.

தஞ்சையில் 2 வயதிலேயே குழந்தை நீச்சல் அடித்து சாதனை படைத்துள்ளது.

2 வயது குழந்தையின் திறமை

இளங்கன்று பயமறியாது என்ற பழமொழிக்கேற்ப, தஞ்சையை சேர்ந்த 2 வயதே ஆன அஷ்ரா அன்பழகன் என்ற குழந்தை நீச்சல் அடித்து சாதனை படைத்துள்ளது. அதன்விவரம் வருமாறு:–

தஞ்சை மருத்துவக்கல்லூரி சாலை மங்களபுரம் சுந்தரம்நகர் 7–ம் தெருவில் வசித்து வருபவர் வசீகரன். இவருடைய மனைவி ஏஞ்சலின்சத்யா. இவர்களுடைய மகன் அஷ்ரா அன்பழகன். 2 வயது ஆகிறது. அஷ்ராஅன்பழகனுக்கு 1½ வயது நடைபெற்ற நேரத்தில் அவனது பெற்றோர் தஞ்சை மருத்துவக்கல்லூரி சாலை பாண்டியன் நகரில் உள்ள ஒரு தனியார் மழலையர் பள்ளியில் சேர்த்தனர்.

அந்த பள்ளியில் குழந்தைகள், சிறுவர்களுக்கு நீச்சல், கார் ஓட்டும் பயிற்சி, பேச்சு திறனை வளர்க்கும் பயிற்சி என பல்வேறு பயிற்சிகள் அளிக்கப்படுகின்றன. அப்படி நீச்சல் பயிற்சி கொடுத்த நேரத்தில் அஷ்ராஅன்பழகன் தைரியாக நீந்தி சென்றான். இவனது திறமையை பார்த்த பள்ளி நிர்வாகத்தினர் அவனுக்கு சிறப்பு பயிற்சி அளித்தனர். அதன்பயனாக 2 அடி ஆழம் கொண்ட சிறிய குளத்தில் நீந்தி வந்த அஷ்ராஅன்பழகன் இன்றைக்கு 5½ அடி ஆழம் கொண்ட நீச்சல் குளத்தில் தைரியமாக நீந்தி செல்கின்றான்.

உற்சாகம்

இவனுக்கு தஞ்சை சிவகங்கைபூங்காவில் உள்ள நீச்சல் குளத்தில் தினமும் பயிற்சி வழங்கப்படுகிறது. தினமும் 1 மணி நேரம் உற்சாகமாக அஷ்ராஅன்பழகன் பயிற்சி மேற்கொள்கிறான். இவன் நீச்சல் அடிப்பதை பார்த்து சிறுவர்கள் முதல் பெரியவர்கள் வரை அனைவரும் கைதட்டி அவனை உற்சாகப்படுத்துகின்றனர். தினமும் காலை நேரத்தில் பள்ளி தாளாளர் ராதா, பயிற்சியாளர் ராஜசேகரன் ஆகியோர் அஷ்ராஅன்பழகனை சிவகங்கைபூங்காவிற்கு தவறாமல் அழைத்து வந்து ஒரு உலக அளவில் நீச்சல் வீரரை உருவாக்கும் பணியில் ஈடுபட்டு வருகின்றனர்.

இது குறித்து பள்ளி தாளாளர் ராதா கூறும்போது, எங்கள் பள்ளியில் 1 வயது குழந்தைகள் முதல் சேர்த்து கொள்ளப்படுகிறார்கள். அப்படி தனது 1½ வயதில் எங்கள் பள்ளிக்கு வந்த சிறுவன் தான் அஷ்ராஅன்பழகன். இவன் முதலில் தண்ணீரை பார்த்து பயந்தான். ஆனால் நாட்கள் செல்ல செல்ல தைரியமாக 2 அடி சிறிய குளத்தில் இறங்கி, நீச்சல் அடிக்க தொடங்கினான். இன்றைக்கு சிவகங்கைபூங்காவில் உள்ள 5½ அடி ஆழமும், 25 மீட்டர் நீளமும் கொண்ட நீச்சல் குளத்தில் தானாக விழுந்து நீந்தி செல்லும் அளவுக்கு பயிற்சி அளித்துள்ளோம். இவனை உலகதரம் வாய்ந்த நீச்சல் வீரனாக உருவாக்குவது தான் எங்களது நோக்கம் என்று கூறினார்.

நன்றி: தினத்தந்தி

வாவ். சூப்பர் பையன்

பகிர்வுக்கு நன்றி நண்பரே.

பாராட்டுக்கள்

 வாழ்த்துக்கள் அஷ்ராஅன்பழகன்