உங்க குழந்தைக்கு டிஸ்லெகுசியாவா

என் செல்லம் படு சுட்டி. எதையும் கப்புனு புடிச்சிக்குவான். தூங்கும் நேரம் தவிர ஒரு நிமிடம் கூட ஓயமாட்டான் என வாய்க்கு வாய் தாயால்  புகழப்பட்ட செல்லத்துக்கு பள்ளியில் சேர்க்கும் போது தான் ஆரம்பிக்கிறது பிரச்னை. எழுத்துக்களை ஒரே நேர் கோட்டில் வரிசையாக எழுத முடியாது.  சொற்களை உருவாக்குவது மற்றும் கணக்கிடுவதில் பிரச்னை தலைதூக்கும். மூளையின் ஒரு பகுதி செயல்பாட்டில் ஏற்படும் தடையே கற்றலில்  குறைபாடு -டிஸ்லெக்சியா ஏற்படக் காரணம் ஆகும்.

நம் உடலின் இயக்குனரே மூளை தான். இந்த மூளையானது பெருமூளை, சிறு மூளை மற்றும் முகுளம் என மூன்று பிரிவுகளாகப் பிரிக்கப்படுகிறது.  பெருமூளையில் உள்ள மடல்கள் ஒரு மனிதனது நடத்தை, குணம், பழக்க வழக்கம், நினைவாற்றல், சிந்தனை, பார்வை, பேச்சு, நுகர்ச்சி,  ஆகியவற்றுக்கு காரணமாகிறது. இந்தப் பகுதியில் போனாலாஜிக்கல் மாட்யூல் என்ற மடல் உள் ளது. எழுத்துக்களையும், சொற்களையும் ஏற்ற  இறக்கத்துடன் உச்சரிக்கும் ஒலிக்கு இந்த மடலின் செயல்பாடு தான் காரணம்.

இந்த மடலை சரிவர பயன்படுத்தாமல் விட்டாலோ, பயன்படாமல் போய் விட்டாலோ குழந்தைகளிடம் கற்றல் குறைபாடு பிரச்னை காணப்படும்.  பெருமூளையின் இன்னொரு பகுதியில் எழுத்துக்களை அடையாளம் கண்டு கொள்வதற்கான பகுதியும் உள்ளது. மற்ற விஷங்களில் மிகுந்த அறிவுடன்  காணப்படும் குழந்தைகள் கற்றல் சார்ந்து எழுத்துக்களை புரிந்து கொண்டு வார்த்தைகளை உச்சரிப்பது ஆகியவற்றில் சிரமத்தை சந்திக்கிறது. இது ஒரு  குறைபாடு மட்டும் தான். மூளை தூண்டலுக்கான ஆக்குபேஷனல் தெரபி, பிசியோதெரபி மற்றும் யோகா போன்ற பயிற்சிகள் உதவும். மாற்று முறை  கல்வித் திட்டத்தின் மூலம் டிஸ்லெக்சியாவுக்கு பிரச்னை உள்ள குழந்தைகளின் கற்றலை எளிதாக்கலாம்.

நன்றி: தினகரன்

நல்லதொரு விழிப்புணர்வு தகவலுக்கு நன்றி

தகவலுக்கு நன்றி