இரும்புச்சத்து அதிகம் நிறைந்த சில பசலைக்கீரை ரெசிபிக்கள்!!

வாரம் ஒரு முறை கீரை வகைகளை உணவில் சேர்க்க வேண்டும் என்று பெரியோர்கள் சொல்வார்கள். ஏனெனில் மற்ற உணவுப் பொருட்களை விட, கீரை வகைகளில் தான் ஊட்டச்சத்துக்கள் அதிக அளவில் நிறைந்துள்ளன. அத்தகைய கீரைகளில் பல உள்ளன. அதில் மிகவும் விலை மலிவில் கிடைக்கக்கூடிய ஒரு கீரை தான் பசலைக்கீரை.


இந்த பசலைக்கீரையானது பலருக்கு பிடிக்காமல் இருக்கலாம். ஆனால் மற்ற கீரைகளை விட, இந்த கீரையில் தான் அனைத்து சத்துக்களும் அதிகம் நிறைந்துள்ளன. மேலும் கர்ப்பிணிகள், குழந்தைகள் போன்றோர் இவற்றை உட்கொண்டால், இரத்த சோகை ஏற்படுவதைத் தடுக்கலாம்.

பசலைக்கீரை சிக்கன் கிரேவி ரெசிபி


தேவையான பொருட்கள்:

எலும்பில்லாத சிக்கன் - 250 கிராம்
பசலைக்கீரை - 500 கிராம் (சுத்தம் செய்து வேக வைத்தது)
இஞ்சி பூண்டு பேஸ்ட் - 2 டீஸ்பூன்
வெங்காயம் - 2
தயிர் - 1 டேபிள் ஸ்பூன்
பச்சை மிளகாய் - 3-4
மஞ்சள் தூள் - 1 டீஸ்பூன்
மல்லி தூள் - 1 டீஸ்பூன்
சர்க்கரை - 1 சிட்டிகை
எலுமிச்சை சாறு - 1 டீஸ்பூன்
சீரகம் - 1 டீஸ்பூன்
பிரியாணி இலை - 1
உப்பு - தேவையான அளவு
எண்ணெய் - 2 டேபிள் ஸ்பூன்
பிரஷ் க்ரீம் - 1 டீஸ்பூன் (அலங்கரிக்க)

செய்முறை:

முதலில் சிக்கன் நன்கு சுத்தமாக கழுவி, அதனை ஒரு பாத்திரத்தில் போட்டு உப்பு, எலுமிச்சை சாறு மற்றும் இஞ்சி பூண்டு பேஸ்ட் தடவி 30 நிமிடம் ஊற வைத்துக் கொள்ள வேண்டும்.

பின்னர் வேக வைத்துள்ள பசலைக்கீரை மற்றும் பச்சை மிளகாயை மிக்ஸியில் போட்டு
நன்கு அரைத்து தனியாக வைத்துக் கொள்ள வேண்டும்.

பின்பு வெங்காயத்தை அரைத்துக் கொள்ள வேண்டும்.

பிறகு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், பிரியாணி இலை மற்றும் சீரகம் சேர்த்து தாளிக்க வேண்டும்.

பின் அரைத்து வைத்துள்ள பசலைக்கீரை பேஸ்ட் சேர்த்து 3-4 நிமிடம் கிளறி விட்டு, பின் மஞ்சள் தூள் சேர்த்து பிரட்டி, ஊற வைத்துள்ள சிக்கனை போட்டு கிளறி, தீயை குறைவில் வைத்து 20-25 நிமிடம் மூடி வைத்து வேக வைக்க வேண்டும்.

சிக்கனானது நன்கு வெந்ததும், அதில் தயிர் மற்றம் சர்க்கரை சேர்த்து கிளறி, 2 நிமிடம் வேக வைக்கவும்

பின் உப்பு, மல்லி தூள் சேர்த்து கிளறி, தேவையான அளவு தண்ணீர் ஊற்றி, சற்று கெட்டியாகும் வரை கொதிக்க விட்டு இறக்கி, க்ரீமை மேலே தூவி அலங்கரித்தால், சுவையான பசலைக்கீரை சிக்கன் கிரேவி ரெடி!!!

இதனை சாதம் அல்லது சப்பாத்தியுடன் சாப்பிட்டால் சூப்பராக இருக்கும்.

http://tamil.boldsky.com/recipes/non-veg/palak-chicken-gravy-recipe-004372.html

பசலைக்கீரை கார்ன் குழம்பு


தேவையான பொருட்கள்:

பசலைக்கீரை - 250 கிராம்
எண்ணெய் - 5-6 டேபிள் ஸ்பூன்
வரமிளகாய் - 3-4
சீரகம் - 1 டீஸ்பூன்
வெங்காயம் - 1 கப் (நறுக்கியது)
பூண்டு - 5-6 பற்கள் (நறுக்கியது)
இஞ்சி - 1 இன்ச் (நறுக்கியது)
தக்காளி - 1/2 கப் (நறுக்கியது)
மல்லி தூள் - 3 டீஸ்பூன்
மிளகாய் தூள் - 1/2 டீஸ்பூன்
கரம் மசாலா - 1/2 டீஸ்பூன்
கார்ன் - 3 கப் (மென்மையாக வேக வைத்தது)
உப்பு - தேவையான அளவு
எலுமிச்சை சாறு - 2 டேபிள் ஸ்பூன்

செய்முறை:

முதலில் பசலைக்கீரையை நன்கு கழுவி நறுக்கி கொள்ள வேண்டும்.

பின்னர் ஒரு அகன்ற வாணலியை அடுப்பில் வைத்து, அதில் தண்ணீர் ஊற்றி, தண்ணீரானது நன்கு கொதித்ததும், அதில் 2 டீஸ்பூன் உப்பு மற்றும் பசலைக்கீரையை சேர்த்து 2 நிமிடம் வேக வைத்து இறக்கி, நீரை வடித்துவிட்டு, பின் குளிர்ந்த நீரில் அலச வேண்டும்.

பின்பு அதனை மிக்ஸியில் போட்டு மென்மையாக அரைத்து, தனியாக வைத்துக் கொள்ள வேண்டும்.

பிறகு மற்றொரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகம், வரமிளகாய், பூண்டு சேர்த்து தாளித்து, பின் வெங்காயம், இஞ்சி சேர்த்து, வெங்காயம் பொன்னிறமாகும் வரை வதக்கி விட வேண்டும்.

பின் தக்காளி சேர்த்து வதக்கி, மல்லி தூள், மிளகாய் தூள், கரைம் மசாலா சேர்த்து கிளறி, 1/2 கப் தண்ணீர் ஊற்றி 3-4 நிமிடம் வேக விட வேண்டும்.

அடுத்து அதனை இறக்கி, 10 நிமிடம் குளிர வைத்து, பின்பு மிக்ஸியில் போட்டு மென்மையாக அரைத்துக் கொள்ள வேண்டும்.

பின்னர் அதே வாணலியை அடுப்பில் வைத்து, அதில் அரைத்து வைத்துள்ள வெங்காய பேஸ்ட், பசலைக்கீரை மற்றும் 1 கப் தண்ணீர் ஊற்றி, 2-3 நிமிடம் கொதிக்க விட்டு, பின் வேக வைத்துள்ள கார்ன் மற்றும் தேவையான அளவு உப்பு சேர்த்து, மீண்டும் 3-4 நிமிடம் நன்கு கொதிக்க விட்டு, எலுமிச்சை சாற்றினை சேர்த்து கிளறி இறக்கி, அதன் மேல் சிறிது பிரஷ் க்ரீம் ஊற்றி அலங்கரித்தால், சுவையான பசலைக்கீரை கார்ன் குழம்பு ரெடி!!!

http://tamil.boldsky.com/recipes/veg/palak-corn-curry-recipe-004717.html

பசலைக்கீரை கொண்டைக்கடலை கிரேவி

தேவையான பொருட்கள்:

கொண்டைக்கடலை - 2 கப் (ஊற வைத்தது)
பசலைக் கீரை - 1 கட்டு
தேங்காய் பால் - 1 1/2 கப்
வெங்காயம் - 1 (சிறியது மற்றும் நறுக்கியது)
பூண்டு - 4 பெரிய பற்கள் (தோலுரித்து, பொடியாக நறுக்கியது)
இஞ்சி - 1 டேபிள் ஸ்பூன் (துருவியது)
தக்காளி - 1/2 கப் (நறுக்கியது)
எலுமிச்சை சாறு - 2 டேபிள் ஸ்பூன்
சில்லி ப்ளேக்ஸ் - 1 சிட்டிகை
உப்பு - தேவையான அளவு
இஞ்சிப் பொடி - 1 டீஸ்பூன்
நெய் அல்லது எண்ணெய் - 2 டீஸ்பூன்

செய்முறை:

முதலில் ஒரு வாணலியை அடுப்பில் வைத்து, அதில் நெய் அல்லது எண்ணெய் ஊற்றி காய்ந்ததும், வெங்காயத்தை சேர்த்து 5 நிமிடம் பொன்னிறமாகும் வரை வதக்க வேண்டும்.

பின் இஞ்சி, பூண்டு, தக்காளி, எலுமிச்சை சாறு, சில்லி ப்ளேக்ஸ் சேர்த்து 3 நிமிடம் கிளறி விட வேண்டும்.

அடுத்து கொண்டைக்கடலையை சேர்த்து, கொண்டைக்கடலை பொன்னிறமாக மாறும் வரை வதக்க வேண்டும்.

பின்பு பசலைக் கீரையை சேர்த்து, கீரை நன்கு வதங்கும் வரை வதக்கி விட வேண்டும்.

கீரையானது நன்கு வதங்கியதும், அதில் தேங்காய் பால், உப்பு, இஞ்சி பொடி சேர்த்து நன்கு கிளறி விட வேண்டும்.

கலவையானது கொதிக்க ஆரம்பிக்கும் போது, தீயை குறைவில் வைத்து, 10 நிமிடம் நன்கு கொண்டைக்கடலை வேகும் வரை கொதிக்க விட்டு இறக்கினால், சுவையான பசலைக்கீரை கொண்டைக்கடலை கிரேவி ரெடி!!!

இதனை சாதத்துடன் சாப்பிட்டால் சூப்பராக இருக்கும். 


http://tamil.boldsky.com/recipes/veg/navratri-spcl-spinach-chickpeas-with-lemon-004084.html

பசலைக்கீரை காளான் குழம்பு

சைவ உணவுகளிலேயே அசைவ உணவின் சுவைக்கு ஈடான சுவையைத் தரக்கூடியது தான் காளான். அத்தகைய காளானில் உடலுக்கு தேவையான எண்ணற்ற அத்தியாவசிய சத்துக்கள் நிறைந்துள்ளன. அதிலும் நீரிழிவு நோயாளிகள் காளானை அதிகம் சாப்பிடுவது நல்லது. அத்தகைய காளானுடன், சத்துக்கள் அதிகம் நிறைந்த பசலைக் கீரையை சேர்த்து ஒரு குழம்பு செய்தால், மிகவும் அலாதியான சுவையில் குழம்பானது இருக்கும்.


தேவையான பொருட்கள்:

பட்டன் காளான் - 15
வெங்காயம் - 1 (பெரியது மற்றும் நறுக்கியது)
சீரகம் - 1 டீஸ்பூன்
மல்லி தூள் - 1 டீஸ்பூன்
கரம் மசாலா - 1/2 டீஸ்பூன்
எலுமிச்சை சாறு - 1 டேபிள் ஸ்பூன்
எண்ணெய் - 1 டேபிள் ஸ்பூன்
உப்பு - தேவையான அளவு
தண்ணீர் - 1/2 கப்

பசலைக்கீரை பேஸ்ட் பொருட்கள்...

பசலைக் கீரை - 1 கட்டு (கழுவி நறுக்கியது)
இஞ்சி - 1 இன்ச்
பச்சை மிளகாய் - 2
பட்டை - 1
ஏலக்காய் - 4
கிராம்பு - 4
அன்னாசிப்பூ - 1
கொத்தமல்லி - 1/2 கப் (நறுக்கியது)

செய்முறை:

முதலில் பட்டன் காளானை நன்கு நீரில் கழுவி நறுக்கிக் கொள்ள வேண்டும்.

பின்னர் பசலைக்கீரை பேஸ்ட்டிற்கு கொடுத்துள்ள அனைத்து பொருட்களையும் மிக்ஸியில் போட்டு நன்கு கெட்டியான பேஸ்ட் போல், தண்ணீர் ஊற்றாமல் அரைத்துக் கொள்ள வேண்டும்.

பின் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகம் சேர்த்து தாளித்து, வெங்காயத்தைப் போட்டு, தீயை குறைவில் வைத்து 4-5 நிமிடம் வதக்க வேண்டும்.

பின்பு நறுக்கி வைத்திருக்கும் காளானை சேர்த்து 5-6 நிமிடம் வதக்கி விட வேண்டும்.
பிறகு பசலைக்கீரை பேஸ்ட்டை போட்டு நன்கு கிளறி விட வேண்டும்.

அடுத்து மல்லி தூள், உப்பு, கரம் மசாலா சேர்த்து 3 நிமிடம் வதக்கி, தண்ணீர் ஊற்ற, தட்டு கொண்டு மூடி 7-8 நிமிடம் நன்கு கொதிக்க விட வேண்டும்.

காளானது நன்கு வெந்ததும், அதில் எலுமிச்சை சாற்றினை ஊற்றி கிளறி இறக்கினால், சூப்பரான பசலைக்கீரை காளான் குழம்பு ரெடி!!!

http://tamil.boldsky.com/recipes/veg/palak-with-mushroom-curry-recipe-003782.html

மலபார் ஸ்டைல்: பசலைக்கீரை பருப்பு

தேவையான பொருட்கள்:

துவரம் பருப்பு - 1 கப்
பசலைக் கீரை - 2 கப்
வெங்காயம் - 1 (நறுக்கியது)
பச்சை மிளகாய் - 3 (நீளமாக கீறியது)
இஞ்சி - 1/2 டீஸ்பூன் (துருவியது)
மஞ்சள் தூள் - 1 டீஸ்பூன்
உப்பு - தேவையான அளவு
புளி சாறு - 1 டேபிள் ஸ்பூன்
தண்ணீர் - 2 கப்

தாளிப்பதற்கு...

கடுகு - 1/2 டீஸ்பூன்
சீரகம் - 1 டீஸ்பூன்
உளுத்தம் பருப்பு - 1 டீஸ்பூன்
பூண்டு - 3-4 பல் (நசுக்கியது)
வரமிளகாய் - 2
கறிவேப்பிலை - சிறிது
எண்ணெய் - 2 டேபிள் ஸ்பூன்

செய்முறை:

முதலில் பசலைக்கீரையை நீரில் நன்கு கழுவி, பொடியாக நறுக்கிக் கொள்ள வேண்டும்.

பின்னர் ஒரு குக்கரை அடுப்பில் வைத்து, அதில் துவரம் பருப்பை கழுவிப் போட்டு, பசலைக் கீரை, இஞ்சி, வெங்காயம், பச்சை மிளகாய், மஞ்சள் தூள் மற்றும் தண்ணீர் ஊற்றி, மூடி வைத்து 3-4 விசில் விட்டு இறக்க வேண்டும்.

பின்பு அதனை திறந்து, குளிர வைக்க வேண்டும்.

பிறகு ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, உளுத்தம் பருப்பு, சீரகம் ஆகியவற்றை போட்டு தாளித்து, பின் கறிவேப்பிலை, வரமிளகாய் மற்றும் பூண்டு போட்டு 2 நிமிடம் தீயை குறைவில் வைத்து வதக்க வேண்டும்.

அடுத்து அதில் வேக வைத்துள்ள பசலைக்கீரை கலவையைப் போட்டு கிளறி, புளி சாற்றினை ஊற்றி, 6-7 நிமிடம் தீயை குறைவில் வைத்து நன்கு கொதிக்கவிட்டு இறக்க வேண்டும்.

இப்போது சூப்பரான பசலைக்கீரை பருப்பு ரெடி!!!

இதனை சாதம் அல்லது சப்பாத்தியுடன் சாப்பிட்டால் அருமையாக இருக்கும்.

http://tamil.boldsky.com/recipes/veg/malabar-spinach-dal-recipe-anemics-003843.html

பசலைக்கீரை சட்னி


தேவையான பொருட்கள்:

பசலைக்கீரை - 10-15 இலைகள்
பச்சை மிளகாய் - 2
பூண்டு - 4
துருவிய தேங்காய் - 1/2 கப்
எலுமிச்சை சாறு - 1 டீஸ்பூன்
உப்பு - தேவையான அளவு
எண்ணெய் - 1 டீஸ்பூன்

செய்முறை:

ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், பச்சை மிளகாய், பூண்டு சேர்த்து வதக்க வேண்டும்.

பின்பு அத்துடன் பசலைக்கீரையை நீரில் அலசி சேர்த்து 2-3 நிமிடம் வதக்கி இறக்கி, குளிர வைக்க வேண்டும்.

பிறகு மிக்ஸியில் வதக்கிய பொருட்களைப் போட்டு, தேங்காய் மற்றும் உப்பு சேர்த்து, அரைத்துக் கொள்ள வேண்டும்.

இறுதியில் அதில் எலுமிச்சை சாறு சேர்த்து கலந்தால், சுவையான பசலைக்கீரை சட்னி ரெடி!!!

http://tamil.boldsky.com/recipes/veg/spinach-chutney-004326.html

பசலைக்கீரை தேப்ளா

தேப்ளா என்பது ஒரு குஜராத்தி ஸ்டைல் ரெசிபி. இது சப்பாத்தி போன்றது தான். ஆனால் இது மிகவும் ஆரோக்கியமானது. அதிலும் பசலைக்கீரை தேப்ளாவை காலை வேளையில் சாப்பிடுவது மிகவும் நல்லது. மேலும் இந்த ரெசிபியானது உடல் எடையை குறைக்க நினைப்போருக்கு ஏற்றது.

அதுமட்டுமல்லாமல், இந்த ரெசிபியின் மூலம் கீரை சாப்பிட மறுக்கும் குழந்தைகளை, இதன் மூலம் கீரை சாப்பிட வைக்கலாம்.


தேவையான பொருட்கள்:

கோதுமை மாவு - 2 கப்
பசலைக் கீரை - 1 கப் (பொடியாக நறுக்கியது)
உப்பு - தேவையான அளவு
சீரகம் - 1 டீஸ்பூன்
ஓமம் - 1/2 டீஸ்பூன்
பச்சை மிளகாய் - 2 (பொடியாக நறுக்கியது)
மஞ்சள் தூள் - 1/2 டீஸ்பூன்
தயிர் - 3 டேபிள் ஸ்பூன்
எண்ணெய் - தேவையான அளவு

செய்முறை:

முதலில் ஒரு பாத்திரத்தில் கோதுமை மாவு, பசலைக் கீரை, சீரகம், ஓமம், தயிர், உப்பு, மஞ்சள் தூள் மற்றும் பச்சை மிளகாய் சேர்த்து, அத்துடன் 1 டேபிள் ஸ்பூன் எண்ணெய் ஊற்றி, வேண்டுமானால் சிறிது தண்ணீர் சேர்த்து, சப்பாத்தி மாவு பதத்திற்கு பிசைந்து கொள்ள வேண்டும்.

பின்னர் அதனை 10 நிமிடம் தட்டு கொண்டு மூடி வைத்து ஊற வைக்க வேண்டும்.
அடுத்து அதனை சிறு உருண்டைகளாக உருட்டி, சப்பாத்தி போன்று தேய்த்து ஒரு தட்டில் வைத்துக் கொள்ள வேண்டும்.

பின்பு தோசைக்கல்லை அடுப்பில் வைத்து காய்ந்ததும், அதில் தேய்த்து வைத்துள்ள தேப்ளாவை ஒவ்வொன்றாக போட்டு, முன்னும் பின்னும் எண்ணெய் ஊற்றி பொன்னிறமாக வேக வைத்து எடுத்தால், சூப்பரான பசலைக்கீரை தேப்ளா ரெடி!

http://tamil.boldsky.com/recipes/veg/healthy-breakfast-palak-thepla-recipe-005033.html

பசலைக்கீரை ஆம்லெட்

காலை வேளையில் எளிமையான முறையில் செய்யக்கூடிய ஒரு ஆரோக்கியமான உணவை சாப்பிட நினைத்தால், பசலைக்கீரை ஆம்லெட் செய்து சாப்பிடுங்கள். ஏனெனில் இந்த ரெசிபியில் உள்ள பசலைக்கீரை மற்றும் முட்டையைக் கொண்டு போடப்படும் ஆம்லெட்டில், உடலுக்கு வேண்டிய அனைத்து சத்துக்களும் கிடைத்து, அந்த நாள் முழுவதும் நன்கு சுறுசுறுப்புடன் செயல்பட முடியும். மேலும் இந்த ரெசிபியை குழந்தைகளும் விரும்பி சாப்பிடுவார்கள்.

குறிப்பாக காலையில் ஒரு டம்ளர் பால் குடித்துவிட்டு, இந்த பசலைக்கீரை ஆம்லெட் போட்டு சாப்பிட்டால், வயிறு நிறையும்.


தேவையான பொருட்கள்:

முட்டை - 2
பசலைக்கீரை - 1 கப்
சீஸ் - 1 கட்டி (துருவியது)
மிளகு - 1/2 டீஸ்பூன்
உலர்ந்த கற்பூரவள்ளி இலை - 1/2 டீஸ்பூன்
கொத்தமல்லி - 1 கட்டு (நறுக்கியது)
வெண்ணெய் - 1 டீஸ்பூன்
பால் - 1 டேபிள் ஸ்பூன்
உப்பு - தேவையான அளவு

செய்முறை:

முதலில் ஒரு பாத்திரத்தில் தண்ணீரை ஊற்றி அடுப்பில் வைத்து, நன்கு கொதிக்க விட வேண்டும்.

தண்ணீரானது நன்கு கொதித்ததும், அதில் பசலைக்கீரையை போட்டு, மூடி வைத்து 2-3 நிமிடம் வேக வைத்து இறக்க வேண்டும்.

பின்னர் அதில் உள்ள நீரை வடித்துவிட்டு, கையால் அதனை லேசாக பிசைந்து தனியாக வைத்துக் கொள்ள வேண்டும்.

பின்பு ஒரு பௌலில் முட்டைகளை உடைத்து ஊற்றி, பால், உப்பு, மிளகு மற்றும் உலர்ந்த கற்பூரவள்ளி இலைகளைப் போட்டு நன்கு அடித்துக் கொள்ள வேண்டும்.

பிறகு அதில் பசலைக்கீரை மற்றும் கொத்தமல்லியைப் போட்டு, மீண்டும் நன்கு அடித்துக் கொள்ள வேண்டும்.

இறுதியில் ஒரு தோசைக்கல்லை அடுப்பில் வைத்து, அதில் வெண்ணெய் போட்டு உருகியதும், அடித்து வைத்துள்ள முட்டைக் கலவையை ஆம்லெட்டுகளாக ஊற்றி, சீஸை தூவி, முன்னும் பின்னும் வேக வைத்து எடுத்தால், சூப்பரான பசலைக்கீரை ஆம்லெட் ரெடி!!!

http://tamil.boldsky.com/recipes/non-veg/green-spinach-omelette-003793.html

பசலைக்கீரை பன்னீர் சப்பாத்தி


தேவையான பொருட்கள்:

பசலைக்கீரை - 1 கப்
பன்னீர் - 500 கிராம்
கோதுமை மாவு - 2 கப்
மிளகாய் தூள் - 1 டீஸ்பூன்
சீரகப் பொடி - 1/2 டீஸ்பூன்
மஞ்சள் தூள் - 1 சிட்டிகை
ஓமம் - 1 டீஸ்பூன் (வறுத்தது)
பச்சை மிளகாய் - 1 (நறுக்கியது)
உப்பு - தேவையான அளவு
எண்ணெய் - தேவையான அளவு

செய்முறை:

முதலில் பசலைக்கீரையை நன்கு கழுவி, தனியாக வைத்துக் கொள்ள வேண்டும். பின் அதனை நன்கு பொடியாக நறுக்கிக் கொள்ள வேண்டும்.

பின்பு பன்னீரை துருவி, தனியாக வைத்துக் கொள்ள வேண்டும்.

பின் மிக்ஸியில் பசலைக்கீரை மற்றும் பச்சை மிளகாய் போட்டு அரைத்துக் கொள்ள வேண்டும்.

அடுத்து ஒரு பாத்திரத்தில் கோதுமை மாவு, அரைத்த கலவை, மஞ்சள் தூள், மிளகாய் தூள், சீரகப் பொடி மற்றும் ஓமம் சேர்த்து, தேவையான அளவு உப்பு போட்டு, மென்மையாக பிசைந்து, இறுதியில் பன்னீரை தூவி பிசைந்து கொள்ள வேண்டும்.

பிறகு அதனை சிறு உருண்டைகளாக்கி, சப்பாத்தி போன்று தேய்த்துக் கொள்ள வேண்டும்.

இறுதியில் தோசைக்கல்லை அடுப்பில் வைத்து, கல்லானது காய்ந்ததும், தேய்த்து வைத்துள்ள சப்பாத்திகளை போட்டு, எண்ணெய் ஊற்றி முன்னும் பின்னும் வேக வைத்து எடுத்தால், சுவையான பசலைக்கீரை பன்னீர் சப்பாத்தி ரெடி!!!

http://tamil.boldsky.com/recipes/veg/palak-paneer-chapathy-004225.html

பசலைக்கீரை கட்லெட் ரெசிபி

தேவையான பொருட்கள்:

பசலைக்கீரை - 2 கப் (நறுக்கியது)
உருளைக்கிழங்கு - 1 (வேக வைத்து மசித்தது)
வெங்காயம் - 1 (நறுக்கியது)
பச்சை மிளகாய் - 2 (நறுக்கியது)
இஞ்சி பூண்டு பேஸ்ட் - 1/2 டேபிள் ஸ்பூன்
கரம் மசாலா - 1/2 டீஸ்பூன்
கடலை மாவு - 1 கப்
பிரட் தூள் - 2 கப்
தண்ணீர் - 1/2 கப்
எண்ணெய் - பொரிப்பதற்கு தேவையான அளவு
உப்பு - தேவையான அளவு

செய்முறை:

முதலில் ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி காய்ந்ததும், வெங்காயம், இஞ்சி பூண்டு பேஸ்ட் மற்றும் பச்சை மிளகாய் போட்டு, தீயை குறைவில் வைத்து வதக்க வேண்டும்.

பின்னர் அதில் பசலைக்கீரை சேர்த்து, 2-3 நிமிடம் பிரட்டி விட்டு இறக்கி தனியாக வைத்துக் கொள்ள வேண்டும்.

பின்பு அதனை ஒரு பௌலில் போட்டு, அத்துடன் மசித்து வைத்துள்ள உருளைக்கிழங்கு, கரம் மசாலா மற்றும் உப்பு சேர்த்து நன்கு பிசைந்து, பின் அதனை சிறு சிறு உருண்டைகளாக்கிக் கொள்ள வேண்டும்.

அடுத்து மற்றொரு பௌலில் கடலை மாவு, உப்பு மற்றும் தண்ணீர் சேர்த்து ஓரளவு கெட்டியாக கலந்து கொள்ள வேண்டும்.

இறுதியில் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு தண்ணீர் ஊற்றி காய்ந்ததும், உருட்டி வைத்துள்ள உருண்டையை தட்டையாக தட்டி, கடலை மாவில் நனைத்து, எண்ணெயில் போட்டு பொன்னிறமாக பொரித்து எடுக்க வேண்டும். இதேப் போன்று அனைத்தையும் பொரித்து எடுக்க வேண்டும்.

இப்போது சுவையான பசலைக்கீரை கட்லெட் ரெடி!!!

http://tamil.boldsky.com/recipes/soups-snacks-drinks/2013/spinach-cutlet-recipe-004660.html