நோய்களை சூறையாடும் சுரைக்காய்

by முழுமுதலோன் Tue May 20, 2014 11:55 am

காய்கறிகளில் எளிமையான காய்கறி சுரைக்காய். இவற்றில் ஏராளமான மருத்துவ குணங்கள் உள்ளன.
• ஆயுர்வேதத்தின் படி, சுரைக்காய் பித்த தோஷத்தை சமனப்படுத்தும். பித்த தோஷத்தின் உட்பிரிவான ரஞ்சக பித்தம், கல்லீரல் மற்றும் ரத்தத்தை கட்டுப்பாட்டில் வைக்கும்.

• சுரைக்காயின் இலை, கொடி, காய், விதை அனைத்தும் பயன் தருபவை.

• இலையை பிழிந்து சாறு எடுத்து, சர்க்கரையுடன் சேர்த்து கொடுக்க காமாலை குணமாகும்.

• கொடியை குடிநீரிலிட்டு வீக்கம், பெரு வயிறு, நீர்க்கட்டு இவற்றுக்கு கொடுப்பது வழக்கம்.

• தேள் கடிக்கு சுரைக்காய் விதையை அரைத்து கட்டலாம்.

• சுரைக்காயின் சாற்றை நல்லெண்ணையுடன் கலந்து தலைக்கு தேய்க்க நல்ல தூக்கம் வரும்.

• மற்ற காய்கறி போலவே சுரைக்காயும் சுவையான சமையலுக்கு உதவும். சாம்பார், குழம்பு, கூட்டு, பச்சடி இவற்றில் சேர்க்கலாம். பூசணிக்காய் அல்வா போல, சுரைக்காய் அல்வாவும் செய்யலாம்.

• காயின் சாற்றுடன் எலுமிச்சை சாறும் சேர்த்து பருக, சிறுநீரக கோளாறு தீரும்.

முகநூல்