ஒரு நாள் போதுமா?

by rammalar Wed May 21, 2014 7:26 pm

-

அன்பு ஊற்றுக்கு
இன்று அடையாள தினம்...
அடுத்த தலைமுறையை
உருவாக்கி, அறப்பணியாற்றும்
அன்னைக்கு ஒரு தினம்!
-
மங்கல நாண்
அணிந்த முதல் நாளாக,
சுற்றங்களின் விதவிதமான
வினாக்களுக்கு விடை சொல்லியே
களைத்துப் போனாலும்,
கருக்கொண்ட நொடியிலேயே
துள்ளும் பெண்மை
உவகைத் தாய்மையாய் உருக்கொள்ளும்!
-
ஐயிரண்டு திங்கள்
அடிவயிற்றில் அடை காத்து,
சிசுவின் செல்ல உதைகளை
சுகமாய் உள்வாங்கி,
தழும்புகள் பதியும் வரை
பிரசவத்துயருற்று
குருதியை உணவாய்
ஈதலே தாய்மைச் சிறப்பு!
-
ஈந்தளித்த தாய் மனதை
இருகரம் கூப்பி
வணங்குதல் இயல்பே...
ஆனால்,
வணங்குவதற்கு ஒரு நாள் போதுமா!
-
-----------------------------
— ஏகலைவன், சன்னியாசிகுண்டு.
நன்றி: வாரமலர்

by செந்தில் Wed May 21, 2014 8:49 pm

ஈந்தளித்த தாய் மனதை
இருகரம் கூப்பி
வணங்குதல் இயல்பே...
ஆனால்,
வணங்குவதற்கு ஒரு நாள் போதுமா!
-

ஏழு ஜென்மமும் போதாது.

ஒரு நாள் போதுமா?

ஒரு நாள் போதுமா?

Re: ஒரு நாள் போதுமா?