யானை - குழந்தை இலக்கியம்

by rammalar Sat May 24, 2014 4:26 pm

-

உருவில் பெருத்த கறுப்பு யானை
உருண்டை கண்கள் கொண்ட யானை
தெருவில் காட்டில் உலவும் யானை
தெள்ளிய நீரைப் பருகும் யானை
-
அசைந்தே அசைந்தே தின்னும் யானை
ஆலய வாசலில் நிற்கும் யானை!
இசைக்கேற்பவே நடம் புரியும் யானை!
இசைவாய்ப் பாகனுக்கு அடங்கும் யானை!
-
சிறுவர், சிறுமியர் கவரும் யானை
சினத்தால் மிரண்டே ஓடும் யானை
மரம் போல் துதிக்கை உள்ள யானை
மகிழ்வாய்க் காசு வாங்கும் யானை
-
போரில் யுத்தம் செய்யும் யானை
பொற்புற இரு தந்தமுள்ள யானை
ஆறில், குளத்தில் குளிக்கும் யானை
அனைவரும் இறையாய்த் துதிக்கும் யானை!
-
-------------------------------

>கவிஞர் கோ.ஜெயச்சந்திரன்
(பாடிப்பழகு பாப்பா)