சிங்கம்புணரி ஸ்ரீ சேவுகப்பெருமாள் அய்ய்னார் கோவில் திருவிழா

by Manik Sun Jun 01, 2014 5:23 pm

சிங்கம்புணரி ஸ்ரீ சேவுகப்பெருமாள் அய்யனார் கோவிலில் வைகாசித் திருவிழா கொடியேற்றத்துடன் துவக்கம்

சிங்கம்புணரி.ஜூன்.1 :

சிவகங்கை மாவட்டம் சிங்கம்புணரி அருள்மிகு ஸ்ரீ சேவுகப்பெருமாள் அய்யனார் கோவில் வைகாசித் திருவிழா ஞாயிற்றுக்கிழமை கொடியேற்றத்துடன் துவங்கியது.

சிவகங்கை தேவஸ்தான நிர்வாகத்திற்குட்பட்ட இக்கோவிலில் ஆண்டுதோறும் வைகாசித் திருவிழா 10 நாட்கள் நடைபெறுவது வழக்கம். இந்த ஆண்டு ஞாயிற்றுக்கிழமை கொடியேற்றத்துடன் துவங்கிய திருவிழாவிற்கு முன்னதாக காலையில் பூரனை புஷகலை உடனுறை ஸ்ரீ சேவுகப்பெருமாள் அய்யனாருக்கு சிறப்பு பூஜைகள், சிறப்பு அபிஷேகங்கள் செய்யப்பட்டு பின்னர் அலங்காரம் செய்யப்பட்டது. சிவாச்சாரியார்கள் வேத மந்திரம் ஓத பிடாரியம்மன் கோவில் முன்பு உள்ள கொடிமரத்திலும் சேவுகப்பெருமாள் அய்யனார் கோவில் முன்புள்ள கொடிமரத்திலும் கொடியேற்றப்பட்டது. இக்கோவிலின் திருவிழாவில் முக்கிய நிகழ்ச்சியாக 5ம் நாள் திருக்கல்யாணமும், 6ம் நாள் கழுவன் திருவிழாவும், 9ம் நாள் திருத்தேரோட்டமும், 10ம் நாள் பூப்பல்லக்கு திருவிழாவும் நடைபெறும். தினமும் சுவாமி வெவ்வேறு வாகனங்களில் இரவு வீதி உலா வரும் நிகழ்ச்சி நடைபெறும். கொடியேற்ற நிகழ்ச்சியில் ஏராளமான பக்தர்கள் கலந்து கொண்டு சுவாமி தரிசனம் செய்தனர். திருவிழாவிற்கான ஏற்பாடுகளை சிவகங்கை தேவஸ்தானமும், சிங்கம்புணரி கிராம நாட்டார்களும் செய்து வருகின்றனர்.

அமர்க்கள நண்பர்கள் உறவுகள் அனைவரையும் இத்திருவிழாவிற்கு அன்போடு அழைக்கிறேன்..................... கண்டிப்பாக வரவும்......

அன்போடு அழைப்பது

உங்கள் மாணிக் வாழ்த்துக்கள்