பாகற்காய் வறுவல் (Bittergourd Fry) : மலர் சபா

by Guest Wed Jun 23, 2010 3:34 pm

பாகற்காய் வறுவல் (Bittergourd Fry) : மலர் சபா

பாகற்காய் வறுவல் (Bittergourd Fry) : மலர் சபா EmailButton

on 14-06-2010 18:46

Favoured : 3

தேவையான பொருட்கள்

பெரிய பாகற்காய் : 3
பெரிய வெங்காயம் : 1
பூண்டு : 4 பற்கள்
எண்ணெய் : 6 தேக்கரண்டி
மிளகாய்ப்பொடி : 3 தேக்கரண்டி
மஞ்சள் பொடி : 1 தேக்கரண்டி
உப்பு : தேவையான அளவு

செய்முறை

பாகற்காயைச் சற்றே பெரிய துண்டுகளாக நறுக்கிக் கொள்ளவும். (1 பாகற்காயை 3 அல்லது நான்கு துண்டுகளாக்கினால் சிறப்பு). மஞ்சள் பொடியும், உப்பும் சேர்த்துப் பிசறி, ஆவியில் அரை வேக்காடு வேக வைக்க வேண்டும். (இட்லிச் சட்டியில் அல்லது வாணலியின் தண்ணீர் வைத்து அதனுள் ஓர் உயரமான கிண்ணத்தில் வைத்து ஆவியில் வேக வைக்கலாம்). பின் வாணலியில் எண்ணெய் விட்டு, எண்ணெய் சூடேறியவுடன் பாகற்காய் துண்டுகளுடன் மிளகாய்ப்பொடி சேர்த்து வதக்கவும். பாகற்காய் சற்றே வதங்கியவுடன், பொடியாக நறுக்கிய வெங்காயம், பூண்டு சேர்த்து வறுக்கவும். நன்றாகச் சிவக்கும் வரை வறுக்கவும்.

பாகற்காய் வறுவல் (Bittergourd Fry) : மலர் சபா Bittergourd

பாகற்காய் வறுவல் (Bittergourd Fry) : மலர் சபா Bittergourd

பாகற்காய் வறுவல் (Bittergourd Fry) : மலர் சபா Bittergourd3

குறிப்பு

சின்ன வெங்காயம் சேர்த்தால் இன்னும் சுவையாக இருக்கும். மிளகாய்ப்பொடியும் அவரவர் விருப்பத்திற்கேற்ப சேர்த்துக் கொள்ளவும். பாகற்காய் உடலுக்கு மிகவும் நல்லது என்பதை சொல்லவும் வேண்டுமோ! பாகற்காய் (பாவைக்காய்) ஓர் அருமையான நீரிழிவு நோய் நிவாரணி, சர்க்கரை நோய் அறவே தீருவதற்கு தொடர்ந்து பாகற்காய் சாப்பிட்டு வாருங்கள்.

அடுத்த வாரம் மற்றொரு சமையல் குறிப்போடு சந்திக்கிறேன். நன்றி!

- மலர் சபா, ரியாத்