(male) மேல் ச(சா)திகாரன்

நாத்தாங்கால்
சேத்துக்குள்ள
மாட்டிக்கிட்ட
கால் போல
உன்னோட ஆசையில
மொத்தமாவே மாட்டிக்கிட்டேன்.


ஆளில்லா காட்டுக்குள்ள
அழகான மலர் போல
ஆருக்கும் தெரியாம
ஆசையில பறிச்சு புட்டேன்.
பூவத்தான் மறைச்ச்சுகிட்டேன் ஆனாலும்
வாசம்தான் வீசிடுதே..


வீசங்கூட
தோசமில்லைனு
பேசாத கிளி பேச்சை
பக்குவமா சொல்லிபுட்டான்.
தொட்டியத்து சோசியனும்.


பத்தும் பொருந்திருச்சு
பதியம் போல்
பதிஞ்சிடுச்சு
சடக்குனு அணைச்சுக்கிட்டு
சாதகமா சொன்ன சொல்ல
தேவனோட சேதி போல
நெஞ்சுக்குள்ள
இருத்திக்கிட்டேன்.


மாசங்களோ ஓடிருச்சு
ஆசை மனசெல்லாம் ஊருடிச்சு.
நேசத்தோட சாஞ்சுகிட
நெசமா ஒரு உசுரு கிடச்சிருச்சு
உன்ன மட்டும் நெனச்சுகிட்டு
பகலுலயும்
கனவு கண்டேன். உங்கனவு
இல்லாத ராத்திரிய முழுச்சே கடத்திவிட்டேன்.


பொழுது சாயும் பொழுதுல ஒருநாள்,
கண்ணுல தண்ணி விழுதோட
எனக்காக காத்து இருந்தீக.
கண்ண தொடச்சுவிட்டு கவனத்தோட
என்னனு காரணம் கேட்டுகிட்டேன்.
மெதுவாத்தான் சொன்னீக
ஆனாலும்
கொதிக்கிற உலைக்குள்ள
குதிச்சிட்ட மீன போல
உசுரே துடிச்சு போயிட்டேன்.

சாதியில பேதமுன்னு
உங்க சாதிசனம் சொன்னதுன்னு
சடக்குனு சொன்னீக
நாம சேருவது சதமில்லனு.
அரளி விதை சாறு போல வார்த்தையால
என் இதயத்தையே நெறச்சீக.

வானந்தான் கருத்திடுச்சு
உன் மனசு என்னாச்சுனு கேட்டு
நான் கதறி அழுதப்ப
கடைசியா கட்டிபிடிச்சு
கண்ணீர தொடச்சீக
ஓயாமரிக்கரையின்னு
தெரிஞ்சும் ஒரு சொம்பு
தண்ணீரை
தெளிச்சீக...



(இரு வேறு சாதிக்கிடையே நிகழ்ந்த காதல் கதை நினைத்து பார்க்கையில் ஒரு பெண்ணின் நினைவில்)

காதல் இன்று பெரிய பிரச்சினையில் இருக்கிறது...

காதலுக்கு காதலர்களே எதிரியாகவும் மாறியிருக்கிறார்கள் என்பது என் பார்வை...

கவிதைக்குப் பாராட்டுகள்...

தொடர்ந்து வருவதில்லையே ஏன்? (நான் கூடதான் வருவதில்லை...)

அருமை அருமை

மிகவும் அருமை பித்தன்

நாம ஜோரா மண் மேல சேராவிட்டாலும் நினைப்பே போதும்....
இந்த நினைவில்தான் வாழ்ந்து முடிக்கிறார்கள் பல காதலர்கள்!