எய்ட்ஸ் 3ம் இடத்தில் இந்தியா

by mohaideen Sat Jul 19, 2014 2:00 pm

புதுடெல்லி: உலக அளவில் எய்ட்சால் பாதிக்கப்பட்டோர் அதிகம் உள்ள நாடுகளின் பட்டியலில் 3வது இடத்தில் உள்ளது இந்தியா. நாட்டில் 21 லட்சம் பேர் இதனால் பாதிக்கப்பட்டுள்ளனர். ஆசிய&பசிபிக் மண்டலத்தில் எய்ட்ஸ் பாதிக்கப்பட்ட 10 பேரில் 4 பேர் இந்தியர்கள் என்று யுஎன்எய்ட்ஸ் அமைப்பின் அறிக்கை தெரிவிக்கிறது.இந்தியாவில் பாலியல் தொழிலில் ஈடுபட்டுள்ள பெண்களில் எய்ட்சால் பாதிக்கப்பட்டோர் எண்ணிக்கை 10.3 சதவீதத்திலிருந்து 2.7 சதவீதமாக குறைந்துள்ளது. அதே நேரத்தில் ஊசி மூலம் போதைப் பொருள் எடுத்துக் கொண்டு எய்ட்சால் பாதிக்கப்பட்டுள்ள பெண்களின் எண்ணிக்கை 5.4 சதவீதமாக உள்ளது என்றும் அறிக்கை தெரிவிக்கிறது.

இது ஆண்களின் எண்ணிக்கையைவிட அதிகம்.அறிக்கையில் கூறப்பட்டுள்ள முக்கிய அம்சங்கள்: உலகெங்கும் எய்ட்சால் பாதிக்கப்பட்டுள்ள 3.5 கோடி பேரில் 1.9 கோடி பேருக்கு இந்த பாதிப்பு தங்களுக்கு உள்ளதுகூட தெரியாமல் உள்ளனர்.2013ம் ஆண்டு இறுதியின்படி ஆசிய&பசிபிக் நாடுகளில் 48 லட்சம் பேருக்கு எய்ட்ஸ் பாதிப்பு உள்ளது. இதில் 21 லட்சம் பேர் இந்தியர்கள். எய்ட்சால் பாதிக்கப்பட்டோர் அதிகம் உள்ள நாடுகளின் பட்டியலில் இந்தியா 3வது இடத்தில் உள்ளது.

இந்தியாவில் உள்ள எய்ட்சால் பாதிக்கப்பட்டோரில் 36 சதவீதத்தினருக்கு மட்டுமே சிகிச்சை வசதிகள் கிடைக்கின்றன. அதே நேரத்தில் இதனால் உயிரிழப்போர் எண்ணிக்கை 51 சதவீதமாக உள்ளது.கடந்த ஆண்டில் இந்தியாவில் புதிய நோயாளிகள் எண்ணிக்கை 19 சதவீதம் குறைந்துள்ளது. கடந்த 2005&2013 காலகட்டத்தில் எய்ட்சால் இறப்போரின் எண்ணிக்கை 38 சதவீதம் குறைந்துள்ளது.
நாட்டில் 8.68 லட்சம் பாலியல் தொழிலாளர்கள் உள்ளதாக கணக்குகள் தெரிவிக்கின்றன.

http://www.dinakaran.com/News_Detail.asp?Nid=101271