சைனீஸ் தோசை

என்னென்ன தேவை?

தோசை மாவு - 1 கப்,
எண்ணெய் - 2 டேபிள்ஸ்பூன்,
நெய் - சிறிது,
நீளமாக வெட்டிய கோஸ், கேரட், வெங்காயம், பச்சை மிளகாய் - மொத்தமாக 1 கப்,
வேகவைத்த சைனீஸ் நூடுல்ஸ் - 1 டேபிள்ஸ்பூன்,
உப்பு - தேவையான அளவு,
மிளகுத் தூள் - சிறிது,
சோயா சாஸ் - 1 டேபிள்ஸ்பூன்,
எண்ணெய் - 1 டேபிள்ஸ்பூன்,
சர்க்கரை - 1 சிட்டிகை.
எப்படிச் செய்வது?

கடாயில் எண்ணெய் ஊற்றி, லேசாகக் காய்ந்ததும் சர்க்கரையைப் போடவும். உடனே நறுக்கி வைத்திருக்கும் காய்கறிகளை சேர்த்து அதிக தீயில் வதக்கவும். நூடுல்ஸ் சேர்த்து, சோயா சாஸ், மிளகுத் தூள், உப்பு சேர்த்துக் கிளறவும். தோசைக்கல்லை அடுப்பில் வைத்து, மாவினால் மெல்லிய தோசையாக வார்க்கவும். நெய்யை சிறிது தோசையில் தடவி செய்து வைத்திருக்கும் ஸ்டஃபிங்கை நடுவில் வைத்து மடிக்கவும். இதை ஊத்தப்பமாகவும் செய்யலாம்.

- தினகரன்