மன்னார்குடி கொஸ்து

by முழுமுதலோன் Wed May 07, 2014 10:18 am

பொதுவாக இட்லின்னா சாம்பார்தான். மன்னார்குடியில் யார் வீட்டிற்கு சென்றாலும்இட்லிக்கு தொட்டுக்கொள்ள கொஸ்துதான் செய்வார்கள். செய்வதும் சுலபம். ருசியும்அபாரமாக இருக்கும். அந்த கொஸ்து செய்வது எப்படின்னு பார்ப்போம்.

தேவையான பொருட்கள்:
உருளைக்கிழங்கு : 2
வெங்காயம் : 2
தக்காளி : 5
பச்சை மிளகாய் : 3
நல்லெண்ணெய் : 2 ஸ்பூன்
கடுகு : 1 தேக்கரண்டி
கடலைப் பருப்பு : 1 ஸ்பூன்
உளுத்தம்பருப்பு : 1 ஸ்பூன்
பெருங்காயத்தூள் : 2 சிட்டிகை
மஞ்சள்தூள் : 2 சிட்டிகை
சாம்பார்பொடி : 2 ஸ்பூன்
இட்லி மாவு : 1 கரண்டி
உப்பு : தேவையான அளவு
கொத்தமல்லி : 2 கொத்து
கருவேப்பிலை : 2 கொத்து

செய்முறை:

முதலில் வெங்காயம், தக்காளி, உருளைக்கிழங்கு எடுத்து பொடியாக நறுக்கிக்கொள்ளவும்.பச்சை மிளகாயை நீள வாக்கில் நறுக்கிக் கொள்ளவும். ஒரு வாணலியில் நல்லெண்ணெய்ஊற்றி சூடானதும், அதில் கடுகு, உளுத்தம்பருப்பு, கடலைப்பருப்பு தாளிக்கவும். அதன்மேல் பச்சை மிளகாய், பொடியாக நறுக்கிய வெங்காயம், தக்காளி, உருளைக்கிழங்குபோட்டு நன்றாக வதக்கவும். காய்கறிகள் நன்கு வதங்கிய பின், 4 டம்ப்ளர் தண்ணீர் கலந்துகொதிக்கவிடவும். இவற்றுடன் பெருங்காயப்பொடி, மஞ்சள்தூள், சாம்பார்பொடி, உப்புபோட்டு ஒரு கொதி வந்ததும் அடுப்பை இளந்தீயில் வைத்து வாணலியை மூடி விடவும்.

காய்கறிகள் நன்கு வெந்ததும், ஒரு கரண்டி இட்லி மாவு எடுத்து கலந்து ஒருகொதிவந்ததும் அடுப்பை நிறுத்தி விடவும். இதன் மேல் கொத்தமல்லி, கருவேப்பிலையைபொடியாக நறுக்கி கலந்து விட்டால் மன்னார்குடி கொஸ்து தயார்.

[color][font][size][url][/url]
மன்னார்குடி ராஜகோபாலசுவாமி அழகிற்கும் ஈடில்லை, மன்னார்குடி இட்லிகொஸ்துவின் சுவைக்கும் ஈடில்லை. சுடச் சுட இட்லியுடன் மன்னார்குடிகொஸ்து தொட்டுசாப்பிட்டு அதன் ருசியில் திளையுங்கள்.

[/size][/font][/color]

பின் குறிப்பு:
விருப்பமுள்ளவர்கள் இவற்றுடன் கத்தரிக்காயும் சேர்த்து செய்யலாம்.

http://maragadham.blogspot.in/

by செந்தில் Wed May 07, 2014 10:40 am

எங்கள் ஊரின் பெருமைமிகு மன்னார்குடி கொஸ்து
பற்றி உறவுகள் அனைவருக்கும் அறியத்தந்தமைக்கு நன்றி அண்ணா

by ஸ்ரீராம் Tue Aug 12, 2014 12:17 pm

எங்கள் ஊர் ஸ்பெஷல் பதிவிட்டாதற்க்கு நன்றி அண்ணா

மன்னார்குடி மதில் அழகு என்பார்கள். மன்னார்குடியில் வீற்றிருக்கும் ராஜகோபாலா சுவாமி பற்றி நீங்கள் இன்னும் எழுதவில்லை அண்ணா.

by mohaideen Tue Aug 12, 2014 12:20 pm

எழுத்துக்கள் ஒழுங்காக தெரியவில்லை அண்ணா

by Sponsored content

மன்னார்குடி கொஸ்து

மன்னார்குடி கொஸ்து

Re: மன்னார்குடி கொஸ்து

Re: மன்னார்குடி கொஸ்து

Re: மன்னார்குடி கொஸ்து

Re: மன்னார்குடி கொஸ்து