எங்கள் இனம் இந்தியமோ,திராவிடமோ அல்ல தமிழினமே!

தமிழகத்தில் மக்கள்தொகை கணக்கெடுக்கும் பணி ஜூன் 1 தொடங்கியது இதனை தொடர்ந்து ஆளுநர், முதல்வர் வீடுகளில் கணக்கெடுக்கும் பணி நடைபெற்றது. அப்போது மக்கள்தொகை கணக்கெடுப்புத்துறை இயக்குநர் கோகுலகிருஷ்ணன், சென்னை மாநகராட்சி ஆணையர் ராஜேஷ் லக்கானி ஆகியோர் உடன் இருந்தனர்.

இந்த நிலையில் தமிழ்நிருபருக்கு பேட்டியளித்த‌ “நாம் தமிழர்” இயக்கத் தலைவர் சீமான் தமிழகத்தில் ஆரம்பித்துள்ள மக்கள் தொகைக் கணெக்கெடுப்பில் அனைத்து தமிழர்களும் தவறாது தங்கள் இனத்தை பதிவு செய்தல் வேண்டும். தமிழர்கள் தங்களைத் தமிழர்கள் என்று பதிவு செய்ய வேண்டும் என்றார்.


தொடர்ந்து பேசிய அவர் “இந்தியன் என்று ஒரு இனம் இல்லை. நாம் அனைவரும் இந்தியாவின் நிலப்பரப்பில் வாழும் குடிகள் மட்டுமே.அதைப்போல நாம் திராவிடரும் இல்லை. ஆரியம் என்ற சொல்லுக்கு எதிரான சொல்லாடலாக திராவிடம் என்ற சொல்லை வரலாற்றாசிரியன் கால்டுவெல் பயன்படுத்தினார் அவ்வளவே.

திராவிடர் என்றால் யார்? அப்படி ஒரு இனம் இருக்கின்றதா? அதற்கு மொழி இருக்கின்றதா? மலையாளியும் தெலுங்கனும் கன்னடனும் தங்களை திராவிடர் என சொல்லிக்கொள்வதில்லை. ஆனால், தமிழன் மட்டும்தான் திராவிடர் என்று சொல்லிக்கொள்கிறான்.

இந்தியன்,திராவிடன் என்று ஒரு இனமும் இல்லை. தமிழன் என்ற இனம் மட்டுமே உண்டு. நாம் அனைவரும் தமிழர்கள். உலகின் தொன்மையான குடி. ஆகவே நாம் நமது உரிமைகளைக் கோரிப்பெறுவதற்கும் நாம் இனத்தால் ஒன்றுபடுவதற்கும் நம்மை தமிழர்கள் என்று உணார்தல் அவசியம். ஆகவே மக்கள் தொகை கணக்கெடுப்பின் பொழுது தமிழர்கள் தம்மைத் தமிழர்கள் என்று உறுதியாகப்பதிவு செய்ய வெண்டும்” என்றார்

சென்னையிலிருந்து தமிழ்நிருபர் செய்தியாளர் கதிர்

இங்க செம்மொழி மாநாடு நடப்பதையொட்டி ஒரே பஸ் பிரச்னை பா சரியாக பஸ் இல்ல அப்பறம் கரென்ட் பவர் இல்ல

முதல்ல மக்கள் இனத்தை காப்பாற்றுங்கள் பா

இனியவளே wrote:இங்க செம்மொழி மாநாடு நடப்பதையொட்டி ஒரே பஸ் பிரச்னை பா சரியாக பஸ் இல்ல அப்பறம் கரென்ட் பவர் இல்ல

முதல்ல மக்கள் இனத்தை காப்பாற்றுங்கள் பா