ஊமத்தையின் மருத்துவ குணங்கள்

by mohaideen Sun Sep 07, 2014 5:36 pm

ஊமத்தை பொதுவாக நோய் தணிப்பானாக செயல்படுகிறது. அறுவை சிகிச்சைக்கும் மகப்பேறுக்கும் மயக்க மருந்தாகவும் பயன்ப டுகிறது. ஊமத்தை இலையை நல்லெண்ணெயில் வதக்கிக் கட்ட வாத வலி,மூட்டு வீக்கம், வாயுக்கட்டிகள், அண்டை வாயு, தாய்ப்பால் கட்டிக்கொண்டு வலித்தல், நெறிகட்டுதல் குணமடையும்.

இலைச்சாற்றுடன் சமமாக நல்லெண்ணெய் கலந்து காய்ச்சி, இள்ஞ்சூட்டில் 2 அல்லது 3 துளி காதில் விட சீதளத்தால் வந்த காது வலி தீரும். இலையை நீர் விடாது அரைத்து நல்லெண்ணெயில் வதக்கி நாய்கடிப் புண்ணில் கட்டினால் ஆறும். மூன்று துளிச் சாறு வெல்லம் கலந்து காலை,மாலை 3 நாள் மட்டும் கொடுக்க நஞ்சு தீரும்.

இலைச்சாற்றை சமமளவு தேங்காய் எண்ணெயில் காய்ச்சி சிறிதளவு மயில் துத்தம் கலந்து வெளிப்பூச்சாகப் பயன்படுத்த ரணம் கு றைந்து சதை வளரும் புண் புரைகள் தீரும். ஊமத்தைப் பிஞ்சை அவரவர் உமிழ் நீரில் மையாய் அரைத்து தடவ புழுவெட்டு தீரும், புழு இறந்து முடி வளரும்.

இலை, பூ, விதை மூன்றையும் பாலில் பிட்டு அவியலாய் அவித்து உலர்த்தி, தூள் செய்து அவற்றை ஒன்றிரண்டாய் பிடியாய்ச் செய்து புகைத்தால் ஆஸ்துமா, மூச்சுதிணறல் உடனே குறையும்.

தினகரன்