உருளைக்கிழங்கு வடை

தேவையான பொருட்கள்:
 
உருளைக்கிழங்கு - 3 (வேக வைத்து தோலுரித்தது)
கடலை மாவு - 1/2 கப்
அரிசி மாவு - 1 கப்
பச்சை மிளகாய் - 5 (பொடியாக நறுக்கியது)
இஞ்சி - 1 துண்டு (பொடியாக நறுக்கியது)
பெருங்காயத் தூள் - 1 சிட்டிகை
கொத்தமல்லி - சிறிது (நறுக்கியது)
உப்பு - தேவையான அளவு
எண்ணெய் - பொரிப்பதற்கு தேவையான அளவு
 
செய்முறை:
 
முதலில் வேக வைத்த உருளைக்கிழங்கை நன்கு கட்டியில்லாதவாறு மசித்துக் கொள்ள வேண்டும்.
 
பின் அதில் கடலை மாவு, அரிசி மாவு மற்றும் உப்பு சேர்த்து பிசைந்து கொள்ள வேண்டும்.
 
பின்பு ஒரு வாணலியை அடுப்பில் வைத்து, அதில் 2 டீஸ்பூன் எண்ணெய் ஊற்றி காய்ந்ததும், பச்சை மிளகாய், இஞ்சி, பெருங்காயத் தூள் சேர்த்து வதக்கி இறக்கி, உருளைக்கிழங்குடன் சேர்த்து, கொத்தமல்லியை போட்டு, நன்கு பிசைய வேண்டும்.
 
பிறகு ஒரு அகன்ற வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், பிசைந்து வைத்துள்ள மாவை வடைகளாக தட்டிப் போட்டு, பொன்னிறமாக பொரித்து எடுத்தால், மொறுமொறுப்பான உருளைக்கிழங்கு வடை ரெடி!!!
 
http://tamil.boldsky.com/recipes/soups-snacks-drinks/2014/crispy-potato-vada-recipe-005475.html