கல்யாணம் போன்ற விருந்துகளில் பேப்பர் வாழையிலையில் ஆரோக்கியமானது தானா?

கல்யாணம் போன்ற விருந்துகளில் பேப்பர் வாழையிலையில் பரிமாறுவது இன்றைக்கு ஃபேஷனாக இருக்கிறதே... அது ஆரோக்கியமானது தானா?

சூழலியல் ஆர்வலர் ரமேஷ் கருப்பையா

வாழையிலையில் மட்டுமின்றி, மந்தாரை இலை, தாமரை இலை, அரச இலை, அல்லி இலை என அந்தக் காலத்தில் இலைகளில் உணவு பரிமாறியதன் பின்னணியில் இருந்தது முழுக்க முழுக்க மருத்துவக் குணம் மட்டுமே. இயற்கையான இந்த இலைகள் கிருமிநாசினியாகவும் உடலுக்குக் குளிர்ச்சி அளிப்பவையாகவும் இருந்தன. வயிற்று உபாதைகள் வராமல் தடுத்தன. இன்று நாகரிகம் என்கிற பெயரில் இது போன்ற பிளாஸ்டிக் இலைகளில் உண்பது உடலுக்குக் கேட்டையே தரும்.

பிளாஸ்டிக் உடன் நிறத்துக்காக சேர்க்கப்படுகிற கெமிக்கல்களும் சேர்ந்து கொண்டு, வினைபுரிந்து உணவுடன் உள்ளே போய் செல்களைப் பாதித்து ஆரோக்கிய கேட்டுக்கு வழி வகுக்கின்றன. இது புற்றுநோய், நரம்புத் தளர்ச்சி போன்ற பல நோய்களுக்கு காரணமாகலாம். எந்த வகையான புற்றுநோய் எங்கே வரும் என்று சொல்வதற்கு இல்லை. இத்தகைய பிளாஸ்டிக் இலைகளில் சூடான உணவை வைத்து மடிக்கும்போது அதிலுள்ள சாயம் உணவில் ஒட்டும். அந்த உணவு உடலுக்குள் போவதும் ஆபத்தானதே.

நன்றி: தினகரன்

உலக அழிவை தடுக்க முடியாது