பொதுச்சொத்துக்களை சேதப்படுத்தலாமா?

by mohaideen Thu Oct 09, 2014 5:15 pm

அரசியலில் ஏற்படும் அசம்பாவித சம்பவங்கள், பந்த், ஆட்சிக்கலைப்பு போன்ற சமயங்களில் பேருந்துகளின் கண்ணாடியை உடைப்பது, வலுக்கட்டாயமாக கடைகளை மூடவைப்பது. மூடாத கடைகளை சேதப்படுத்துவது தமிழகத்தில் வாடிக்கையாகிவிட்டது. பொதுச் சொத்துக்களை சேதப்படுத்துவது சரியா என்று பொது மக்கள்ளிடம் கேள்வி எழுப்பினோம்.

துர்காதேவி: (கொடுங்கையூர்): இது போன்ற சமயங்களில் சம்மந்தப்பட்ட தலைவருக்காகவோ அல்லது கட்சிக்காகவோ அத்துமீறி அராஜகத்தில் ஈடுபடுவது என்பது வாடிக்கையாகிவிட்டது. காரணம் கடையை உடைத்தால் பஸ்ஸை உடைத்தால் அல்லது பொதுச் சொத்துக்களை சேதப்படுத்தினால் நம்மை யார் என்ன செய்துவிடப் போகிறார்கள் என்ற அலட்சியம் தான் காரணம். நம்மை யாராலும் ஒன்றும் செய்துவிட முடியாது. சட்டமும் ஒன்றும் செய்யாது என்ற தைரியமும். நமக்குப் பின்னால் நம் தலைவர்கள் இருக்கிறார் என்ற தைரியத்திலும் தான் இதுபோன்ற அராஜக செயல்களில் ஈடுபடுகின்றனர். இது மிகவும் தவறானது. அராஜக செயல்களில் ஈடுபடுவர்கள் மீது கடும் நடவடிக்கை எடுக்க வேண்டும்.

அகரம் ராமதாஸ்: (வளசரவாக்கம்) திடீர் அரசியல் மாற்றங்களை ஏற்றுக்கொள்ள முடியாத சிலர் பஸ் எரிப்பு, பஸ் கண்ணாடிகளை உடைப்பது. கடைகளை மூடச்சொல்லி கடைகளை உடைப்பது அராஜக செயல்கள் ஆகும். இவ்வாறு செய்வதால் எந்த தீர்வும் கிடைக்காது என்பதை யாரும் நினைப்பதில்லை. கட்சியின் பலத்தையோ அல்லது தலைவர்களுக்கு ஆதரவு இருக்கிறது என்பதற்காகவோ அல்லது மக்கள் அனைவரும் இந்தப் பிரச்சனையை கவனிக்க வேண்டும் என்ற நோக்கத்தில் தான் இது செய்யப்படுகிறது. இதனால் எந்தத் தீர்வும் கிடைக்காது பஸ்ஸை உடைப்பதாலோ, பொதுச் சொத்துக்களை சேதப்படுத்துவதாலோ எந்த தீர்வும் கிடைக்காது என்பதை சம்மந்தப்பட்டவர்கள் நினைக்க வேண்டும். தங்களுக்கு கிடைக்க வேண்டிய நியாயமான கோரிக்கைகளுக்காக அறவழியில் போராட வேண்டும். அறவழியில் தான் எந்த ஒரு பிரச்சனைக்கும் தீர்வு கிடைக்கும் என்பது உறுதி.

வழக்கறிஞர் காயத்ரி: நாம் செலுத்தும் வரிப்பணத்தில்தான் நமக்கான அத்தியாவசியமான தேவைகள் அரசு திட்டங்கள் மூலமாக செயல்படுத்தப்படுகிறது. அதனை தங்களுடைய அரசியல் ஆதாயத்திற்காக பயன்படுத்தி வரும் சூழல் தற்போது நிலவி வருகிறது. பஸ் கண்ணாடிகளை உடைப்பது, வணிக நிறுவனங்களை மூடச்செய்வது போன்ற செயல்கள் அதிகளவில் நிகழ்கின்றன. இதனால் நம்முடைய வரிப்பணம் வீணாகிறது என்பதை மக்கள் உணரவேண்டும். தங்களுடைய சுய விருப்பத்திற்காக பொது சொத்துகளுக்கு சேதம் விளைவிப்பது தண்டனைக்குரிய குற்றமாகும். தண்டனைச்சட்டம் TAMAILNADU PROPERTY PREVENTION OF DAMAGE AND LOSS ACT 1992 வின் படி பொது சொத்துகளுக்கு ஏற்படும் பாதிப்புகளுக்கு ஏற்ப திருட்டு, கலவரம் போன்ற செயல்களுக்கு ஏற்ப தண்டனை நீதிமன்றம் மூலமாக வழங்கப்படுகிறது.

அன்பரசன் சமூக ஆர்வலர்: உண்ணாவிரதம், ஆர்ப்பாட்டம் ஆகிய அறவழிப் போராட்டத்தின் மூலம் தான் எதிர்ப்பை தெரிவிக்கவும் கவனத்தை ஈர்க்கவும் தேவையான கோரிக்கைகளை வழியுறுத்தவும் ஜனநாயக முறையிலான உரிமை அதை விட்டு விட்டு வாகனங்களுக்கு தீ வைப்பது, அடித்து நொறுக்குவது, கடைகளை சூறையாடுவது போன்ற முறைகள் ஜன நாயக உரிமைக்கு போராடுகிற உரிமைக்கு எதிரானது. பொதுச் சொத்துக்கு சேதம் விளைவிப்பவர்கள் யார் எவர் என்ற பாரபட்சமில்லாமல் தயவு தாட்சயமின்றி தமிழ்நாடு சொத்துக்கள் சேதம், மற்றும் இழப்பு தடுப்புச் சட்டம் 1992ன் கீழ் வழக்கு தொடர்ந்து கடும் தண்டனை மற்றும் இழப்பீடு வசூலிக்கப்பட வேண்டும். சேதமடைந்த பொதுச் சொத்துக்களுக்கு அதன் மதிப்பீடை விட குறைந்த பட்சம் மூன்று மடங்காவது அபராதம், மற்றும் கடும் தண்டனை விதிக்க வேண்டும்.

http://www.dinakaran.com/Citizen-journalist/cj-did-you-knowdetail.aspx?id=1073

by செந்தில் Thu Oct 09, 2014 5:35 pm

பகிர்வுக்கு நன்றி நண்பா

பொதுச்சொத்துக்களை சேதப்படுத்தலாமா?

பொதுச்சொத்துக்களை சேதப்படுத்தலாமா?

Re: பொதுச்சொத்துக்களை சேதப்படுத்தலாமா?