பயறு கறி

என்னென்ன தேவை?

பச்சைப் பயறு - 1 கப்,
வெங்காயம் பெரியது - 1,
தக்காளி - 2,
பச்சை மிளகாய் - 6 (நறுக்கியது),
மஞ்சள் தூள் - 1/4 டீஸ்பூன்,
உப்பு - தேவைக்கேற்ப,
மிளகாய் தூள் - 1 டீஸ்பூன்,
கடுகு, கறிவேப்பிலை - தேவைக்கு.

பொடிக்க...

மிளகு 1/4 டீஸ்பூன்,
சீரகம் - 1/4 டீஸ்பூன்,
கிராம்பு - 1,
ஏலக்காய் - 1 (அனைத்தையும் சேர்த்துப் பொடி செய்து கொள்ளவும்).



எப்படிச் செய்வது?

பச்சை பயறை குக்கரில் 5 விசில் வரும் வரை வேக விடவும். ஒரு பாத்திரத்தில் எண்ணெயை சூடு செய்து, கடுகு, கறிவேப்பிலை, நறுக்கிய வெங்காயம் போட்டு வதக்கவும். நறுக்கிய பச்சை மிளகாய் சேர்க்கவும். தக்காளி சேர்த்து வதக்கவும். பிறகு உப்பு சேர்த்து தண்ணீர் விட்டு அதில் மிளகாய் தூள், மஞ்சள் தூள், அரைத்த பொடி சேர்த்து நன்றாகக் கொதிக்க விடவும். பிறகு பயறு சேர்த்துக் கிளறி நன்றாகக் கொதிக்கவிட்டு இறக்கவும்.

- தினகரன்

பதிவிற்கு நன்றி