தினசரி மது குடிப்பவரா... 2 ஆண்டில் ஈரல் பாதிக்கும்

ஒரு பெண் தினசரி 120 கிராம் மதுவை 2 ஆண்டு அருந்தினாலோ, அல்லது ஒரு ஆண் தினசரி 150 கிராம் மதுவை 2 ஆண்டுகள் தொடர்ச்சியாக அருந்தினாலோ அவர்களது ஈரல் முழுமையாக பாதிப்படைகிறது. இதனால் குடிப்பழக்கம் உள்ளவர்கள் ஈரலை பாதுகாக்க முழுமையாக குடிப்பழக்கத்தை நிறுத்த வேண்டும். இல்லாவிட்டால் அவர்கள் ஈரல் பாதிப்பிற்கு ஆளாகும் நிலையை தவிர்க்க முடியாது. ஈரல் முழுமையாக பாதித்தால், உயிர் வாழ அதை மாற்றுவதை தவிர வேறு வழியில்லை. இல்லாவிட்டால் உயிரிழப்பு ஏற்படும்.ஈரல் மாற்று அறுவை சிகிச்சை செய்யும் 10ல் ஒருவரை தவிர 9 பேருக்கு வெற்றிகரமாக பொருந்தி செயலாற்றுகிறது. சொந்தங்களின் மூலம் பாதி ஈரலை பெற்று, மாற்று அறுவை செய்வதை காட்டிலும் மூளைச்சாவு ஏற்பட்டவர் மூலம் முழு ஈரலை பெற்று பொருத்துவது கூடுதல் பலன் தரக்கூடியது.

மூளைச்சாவு ஏற்பட்டவரின் ஈரலை பெற அரசின் நல்வாழ்வுத்துறையில் பதிவு செய்ய வேண்டும். வரிசைப்படி கிடைக்கும்போது பெற்று பொருத்த வேண்டும். ஆனால், அது எப்போது கிடைக்கும் என்பதற்கு கால வரம்பு இல்லை. ஈரல் மாற்று பொருத்துவதற்கு ரத்த வகை மேட்சிங் கட்டாயம் இல்லை. இதனால் குறிப்பிட்ட ஈரல் வகைக்கு காத்திருக்க வேண்டிய சூழ்நிலை இல்லை.ஈரல் மாற்று அறுவை சிகிச்சையானது சாதாரண அறுவை சிகிச்சையல்ல. மேஜர் அறுவை சிகிச்சை. இதை மேற்கொள்ள குறைந்தது 8 மணி நேரம் அதிகபட்சம் 15 மணி வரை ஆகும். ஈரல் மாற்று அறுவை சிகிச்சைக்கு வருபவர்கள் முதலில் 6 மாதம் குடியை நிறுத்த வேண்டும். அவர்களது இருதயம், கிட்னி, சுவாசம் ஆகியவை பரிசோதனைக்குட்படுத்தி அறுவை சிகிச்சைக்கு தகுதியானவர் தானா என்று உறுதி செய்யப்படும். பின்னர் மாற்று அறுவை சிகிச்சை மேற்கொள்வார்கள்.

'ஈரல் மாற்று அறுவை சிகிச்சையானது சாதாரண அறுவை சிகிச்சையல்ல. மேஜர் அறுவை சிகிச்சை. இதை மேற்கொள்ள குறைந்தது 8 மணி நேரம் அதிகபட்சம் 15 மணி வரை ஆகும்'

ஈரல் மாற்று அறுவை சிகிச்சைக்கு தேவையான அனைத்து உள் கட்டமைப்பு வசதிகள் கொண்ட மருத்துவமனைகளை அணுகி சிகிச்சை பெறலாம்.
மது பழக்கம் தவிர ஹெபடிடைஸ் பி, சி வைரஸ்கள் ஆகியவற்றாலும் சிலருக்கு ஈரல் பாதிக்கப்படும். இவற்றால் ஓரளவு பாதிப்படைந்த ஈரலை மருந்து மூலம் குணப்படுத்தலாம் என்கின்றனர் ஈரல் மாற்று அறுவை சிகிச்சை நிபுணர்கள்.

தினகரன்

சொன்னா கேட்கவா போறாங்க

தகவலுக்கு நன்றி