தஹி பூரி சாட்

என்னென்ன தேவை?

வேகவைத்து கட்டிகளாக உதிர்த்த உருளைக்கிழங்கு - 2,
ஓமப் பொடி - 1/4 கப்,
சாட் மசாலா தூள் - 3/4 டீஸ்பூன்,
மிளகாய் தூள் - 1/4 டீஸ்பூன்,  கிரீன் சட்னி (மல்லி, புதினா சட்னி) - தேவைக்கு,
புளிப்பு இல்லாத கெட்டித் தயிர் - 1 கப்,
பொடியாக நறுக்கிய கொத்தமல்லி - சிறிதளவு,
உப்பு - தேவைக்கு,
சர்க்கரை - 1 டீஸ்பூன்,
வறுத்து பொடித்த சீரகத் தூள் - சிறிதளவு.
சிறிய பூரிகள் இப்போது கடைகளிலேயே கிடைக்கின்றன. அல்லது நாமே செய்யலாம்.

பூரி செய்யும் விதம்...

மைதா அரை கப், ஒரு டீஸ்பூன் எண்ணெய், 2 டேபிள்ஸ்பூன் ரவை, தேவையான அளவு உப்பு, தேவையான அளவு ஐஸ் தண்ணீர் எல்லாவற்றையும்  சப்பாத்தி மாவு பதத்துக்குப் பிசையவும். சிறிது நேரம் மூடி வைக்கவும். பிறகு சிறு சிறு பூரிகளாக இட்டு, மொறு மொறுப்பாகப் பொரித்து எடுத்து  வைத்துக் கொள்ளவும்.

எப்படிச் செய்வது?

பூரிகள் மொறு மொறுப்பாக இருப்பதால் உடைத்து ஒரு தட்டில் போடவும். தயிருடன் உப்பு, சர்க்கரை கலந்து வைத்துக் கொள்ளவும். பின் பூரிகள் மேல்  உதிர்த்த உருளைக்கிழங்கு மற்றும் மேலே கொடுத்துள்ள தூள்கள், சட்னி, அதன் மேல் தயிர், பொடித்த மல்லி என்று வரிசைப்படுத்தி தூவி உடனே  பரிமாறவும். தயிர், சர்க்கரை இருப்பதால் இனிப்பும் புளிப்புமாக இருக்கும். விருப்பப்பட்டால் இனிப்புச் சட்னி சேர்த்துக் கொள்ளவும். உருளைக்கிழங்கை வேகவைத்து, பூரியில் ஓட்டை போட்டு, கிழங்கு மற்றும் மசாலாவை உள்ளே வைத்து, தயிர் ஊற்றி,  தட்டில் சாட் மசாலா சேர்த்தும் பரிமாறலாம்.

- தினகரன்