ஸ்டவ் டாப் மாக் அன் சீஸ்

என்னென்ன தேவை?

(2 பேருக்கு)
எல்போ மேக்ரோனி - 1/2 கப்,
பால் - 3/4 கப்,
வெண்ணெய் - 2 டேபிள்ஸ்பூன்,
செட்டார் சீஸ் (துருவியது) - 1/2 கப்,
மைதா மாவு - 1 டேபிள்ஸ்பூன்,
மிளகுத்தூள் - 1/4 டீஸ்பூன்,
சில்லி ஃப்ளேக்ஸ் - 1/4 டீஸ்பூன்,
கடுகுத் தூள் - 1/4 டீஸ்பூன்,
உப்பு - தேவையான அளவு.


எப்படிச் செய்வது?

2  அல்லது 3 கப் அளவு தண்ணீரை கொதிக்க விட்டு எல்போ மேக்ரோனியை (பாஸ்தா) அதிலே சேர்க்கவும். மிருதுவாக வேக வைக்கவும். தண்ணீரை வடித்து ஒரு புறம் வைக்கவும். 1 டேபிள்ஸ்பூன் வடித்த தண்ணீரை சேர்த்து வைத்துக்கொள்ளவும். ஒரு சிறிய கிண்ணத்தில் மைதா மாவு, மிளகுத் தூள், சில்லி ஃப்ளேக்ஸ், கடுகுத் தூள், உப்பு ஆகியவற்றை எடுத்துக்கொள்ளவும்.

அடுப்பில் கனமான அடி உடைய பாத்திரத்தில் வெண்ணெயை மிதமான தீயில் உருக்கவும். இதில் மேலே குறிப்பிட்ட கலவை மாவை கொட்டவும். உடனே ஒரு விஸ்க் கொண்டு கலக்கவும். இதில் பாலை மெதுவாக ஊற்றி கலக்கவும். துருவிய சீஸ் சேர்த்து கலக்கவும். தீ எப்போதும் மிதமாகவே இருக்க வேண்டும். எந்த நேரத்திலும் கொதிக்கக் கூடாது.

கலவை கெட்டியாகும் வரை கலக்கி அடுப்பை அணைக்கவும்.இதை வேக வைத்த பாஸ்தாவில் ஊற்றி உடனே பரிமாறவும். பால் கொதித்தால் திரிந்துவிடும்... அதனால், மிதமான தீயிலே செய்ய வேண்டும். பாஸ்தா ஒன்றோடொன்று ஒட்டிக்கொள்ளாமல் இருக்க... வேக வைத்த தண்ணீரை சேர்த்து கலக்கி வைத்துக்கொண்டால் ஒட்டாமல் இருக்கும்.


- தினகரன்