கருவிகளைக் கையாளும் விலங்குகள்! - தி இந்து படங்கள்

by நாஞ்சில் குமார் Sat Nov 08, 2014 10:12 pm

கழுகு - எகிப்திய கழுகுக்கு (Egyptian Vulture) விருப்பமான உணவு நெருப்புக்கோழி முட்டைகள். ஓடு கடினமான அந்த முட்டையை, அலகால் கொத்தி உடைக்க முடியாது. பெரிய பெரிய கற்களைத் தூக்கி, முட்டைமீது போட்டு உடைக்கும்.

by நாஞ்சில் குமார் Sat Nov 08, 2014 10:13 pm

கருவிகளைக் கையாளும் விலங்குகள்! - தி இந்து படங்கள் L1xqfQmQomXeDUJyncwQ+p2

சிம்பன்ஸி - கருவிகளை மிக அழகாகப் பயன்படுத்துவதில் சிம்பன்ஸிகள் (chimpanzee) கெட்டிக்காரர்கள். பழக் கொட்டைகளைச் சேகரித்து, பெரிய மரக்கட்டையால் அவற்றை உடைத்து, பருப்புகளைச் சாப்பிடும். கறையான், எறும்புகளைச் சாப்பிட தனி டெக்னிக்கை இது பயன்படுத்தும். நீண்ட குச்சியைக் கறையான் புற்று, எறும்புப் புற்றுக்குள் விடும். அதில் கறையான்களும் எறும்புகளும் குச்சியில் ஒட்டிக்கொண்டோ, ஏறிக்கொண்டோ வரும். குச்சியை வெளியில் எடுத்து அப்படியே வாயிக்குள் விட்டு உறிஞ்சி சாப்பிட்டுவிடும். மரத்தில் எட்டாத உயரத்தில் பழங்கள் இருந்தால், மனிதர்களைப் போலவே குச்சியால் அடித்துச் சாப்பிடும்.

by நாஞ்சில் குமார் Sat Nov 08, 2014 10:14 pm

கருவிகளைக் கையாளும் விலங்குகள்! - தி இந்து படங்கள் MehoB4cxSxM0la3W8gFX+p3

தையல் சிட்டு - பெரிய இலை அல்லது இரண்டு மூன்று சிறிய இலைகளை ஒன்றாகச் சேர்த்துத் தைத்துக் கூட்டை உருவாக்கி விடும் தையல் சிட்டு (Tailorbird.) இலையைச் சுருட்டி, இரண்டு பக்கங்களிலும் துளையிட்டு, நாரால் தைக்கும். ஒரு பை போன்ற அழகான, பாதுகாப்பான கூட்டைத் தயார் செய்துவிடும். பிறகு அதில் நார்களையும் பஞ்சுகளையும் வைத்து, முட்டையிட்டு அடை காக்கும்.

by நாஞ்சில் குமார் Sat Nov 08, 2014 10:14 pm

கருவிகளைக் கையாளும் விலங்குகள்! - தி இந்து படங்கள் LD1ZK0bUSG8QJ6q9Tyzz+p4

முதலை - பறவைகளை இரையாக்கிச் சாப்பிட, குச்சிகளைக் கருவியாகப் பயன்படுத்துகின்றன முதலைகள். தன் மீது குச்சிகளைப் பரப்பியபடி, சத்தமின்றி தண்ணீரில் முதலைகள் காத்திருக்கும். கூடு கட்டுவதற்குக் குச்சிகளைத் தேடி வரும் பறவைகள், குச்சிகளை எடுப்பதற்காக அருகில் வரும். அப்படி வரும்போது பறவைகளைப் பிடித்து முதலை இரையாக்கிக்கொள்ளும்.

by நாஞ்சில் குமார் Sat Nov 08, 2014 10:15 pm

கருவிகளைக் கையாளும் விலங்குகள்! - தி இந்து படங்கள் 75KHJpGgTDuRwlDVH4BZ+p5

கொரில்லா - காடுகளில் வசிக்கும் கொரில்லாக்கள் (gorilla) நீர்நிலைகளைக் கண்டதும் உடனே இறங்கிவிடாது. மரத்தின் கிளையை ஒடித்து, அந்தக் குச்சியைத் தண்ணீருக்குள் விடும். எவ்வளவு ஆழம் என்பதைப் பார்த்த பிறகே, தண்ணீருக்குள் இறங்கும்.

by நாஞ்சில் குமார் Sat Nov 08, 2014 10:16 pm

கருவிகளைக் கையாளும் விலங்குகள்! - தி இந்து படங்கள் PRzSB0q2RNazabzVdATD+p6

உராங்குட்டான் - இலைகளைப் பலவிதமான கருவிகளாகப் பயன்படுத்தும் திறமை உராங்குட்டான்களுக்கு (orang-utan) உண்டு. மழை பெய்யும்போது பெரிய இலைகளைப் பறித்து, குடையாகப் பிடித்துக்கொள்ளும். இலைகளை வாயில் வைத்து உராங்குட்டான் ஊதினால், மற்ற உராங்குட்டான்களுக்கு ஏதோ ஒரு தகவலைச் சொல்கிறது என்று அர்த்தம். தினமும் இரவு நேரத்தில், புதிய மரத்தில் உள்ள இலைகளைப் பறித்து, மெத்தை போன்று செய்து அதில் தங்கிக்கொள்ளும்.

by நாஞ்சில் குமார் Sat Nov 08, 2014 10:17 pm

கருவிகளைக் கையாளும் விலங்குகள்! - தி இந்து படங்கள் IBzKuZTRlmhHJlWDTsQA+p7

யானை - நிலத்தடியில் உள்ள தண்ணீரை யானை தும்பிக்கை துளை மூலம் உறிஞ்சிக் குடிக்கும். பிறகு இலைகள், மரப்பட்டைகள், குச்சிகளை மென்று ஒரு பந்தை உருவாக்கும். இதை அந்தத் துளையில் வைத்து அடைத்துவிடும். தண்ணீர் ஆவியாகிவிடாமல் இருக்கவும், மீண்டும் அந்த இடத்துக்கு வந்து தண்ணீர் குடிக்க அடையாளமாக இருக்கவும் இப்படிச் செய்கிறது யானை. பூச்சிகளிடமிருந்து தப்பிக்க, கிளைகளை ஒடித்து இப்படியும் அப்படியும் அசைத்துக்கொண்டே இருக்கும்.

by நாஞ்சில் குமார் Sat Nov 08, 2014 10:18 pm

கருவிகளைக் கையாளும் விலங்குகள்! - தி இந்து படங்கள் QLhBUcQESJKEPLvG5WZS+p8

டால்பின் - பாட்டில் மூக்கு டால்பின்கள் (bottlenose dolphin) கடல் பஞ்சுகளை மூக்கில் சுமந்தபடி பயணிக்கும். எதிரிக்குச் சட்டென்று டால்பினின் உருவம் தெரியாது. வேகமாகத் தப்பித்துச் செல்வதற்காகக் கடல் பஞ்சை இப்படிக் கருவியாகப் பயன்படுத்துகிறது.

by Sponsored content

கருவிகளைக் கையாளும் விலங்குகள்! - தி இந்து படங்கள்

கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்

Re: கருவிகளைக் கையாளும் விலங்குகள்! - தி இந்து படங்கள்