எள் உருண்டை

by நாஞ்சில் குமார் Sat Nov 08, 2014 9:49 pm

என்னென்ன தேவை?

கறுப்பு (அ) வெள்ளை எள் - 200 கிராம்,
வெல்லம் - 1/4 கிலோ,
ஏலக்காய் தூள் - சிறிதளவு,
நெய் - 1 டீஸ்பூன்.

எப்படிச் செய்வது?

எள்ளை சுத்தம் செய்து வெறும் கடாயில் வறுக்கவும். சுத்தமான வெல்லத்தை கரைத்து, வடித்து, ஒரு கடாயில் விட்டு கெட்டியாக வரும் பதத்தில் பாகு காய்ச்சி பாகுடன் எள், ஏலக்காய், நெய் சேர்க்கவும். விருப்பமான வடிவத்தில் உருண்டை களாக உருட்டவும். (பாதி கருப்பு எள், பாதி வெள்ளை எள் சேர்த்தும் உருண்டை செய்யலாம். நெய் தடவிய தட்டில் ஊற்றி அழுத்தி வில்லைகள் போடலாம். கொப்பரை பாதி, எள் பாதி சேர்த்தும் உருண்டை செய்யலாம்.

- தினகரன்