தி இந்து சிறப்பு படங்கள் - 18-11-2014

by நாஞ்சில் குமார் Tue Nov 18, 2014 10:20 pm

உலக பாரம்பரிய வாரம் நவம்பர் 19-ம் தேதியிலிருந்து 25-ம் வரை கொண்டப்படுகிறது. நாட்டின் பாரம்பரியச் சின்னங்கள் குறித்த அக்கறையையும் விழிப்புணர்வையும் ஏற்படுத்துவதே இதன் முக்கியமான நோக்கம். உலக நாடுகளுடன் ஒப்பிடும்போது நீண்ட பாரம்பரியமும் பண்பாட்டுப் பின்புலமும் கொண்ட நாடு இந்தியா. தமிழகமும் அத்தகைய சிறப்புகள் கொண்டது.

தஞ்சைப் பெரிய கோயில், கங்கைகொண்ட சோழபுரம், மாமல்லபுரம் கோயில், தாராசுரம் போன்றவை தமிழ்நாட்டில் யுனெஸ்கோ தேர்ந்தெடுத்த உலகப் பாரம்பரியச் சின்னங்கள். ஆனால் பண்டைய காலம் தொட்டு காலனி ஆதிக்கக் கால கட்டம் வரை நம் பண்பாட்டைப் பறைசாற்றிக் கொண்டிருப்பவற்றுள் பிரதானமானவை கட்டிடங்கள்தான்.

இந்தியாவைப் பொறுத்தவரை பாரம்பரியக் கட்டிடங்கள் கொல்கத்தாவில்தான் அதிகம். கொல்கத்தாவைத் தவிர்த்துவிட்டுப் பார்த்தால் சென்னை நகரில்தான் பாரம்பரியக் கட்டிடங்கள் அதிகம். அவை இன்றும் காலனிய இந்தியாவின் கட்டிடக் கலைக்குச் சான்றாக உள்ளன. சென்னை சென்டிரல் ரயில் நிலையம், தென்னக ரயில்வே தலைமையிடம், எழும்பூர் புனித அந்திரேயா தேவாலயம், தேசியக் கலைப் பொருள் காட்சியம், சென்னை அருங்காட்சியம், ஜார்ஜ் டவுன் தபால் நிலையம், ரிப்பன் கட்டிடம், சென்னை நுண் கலைக் கல்லூரி உள்ளிட்ட கிட்டத்தட்ட 25க்கும் மேற்பட்ட கட்டிடங்கள் சென்னையின் பாரம்பரியத்தைப் பேசிக்கொண்டிருக்கின்றன.

தி இந்து சிறப்பு படங்கள் - 18-11-2014 2nqbdxf