குடை  மிளகாய்  கா  சாலன்

[You must be registered and logged in to see this image.]

என்னென்ன தேவை?

குடை மிளகாய் - 1,
புளிக்கரைசல் - 1 கப்,
தக்காளி - 1,
வேர்க்கடலை - 2 டேபிள்ஸ்பூன்,
சீரகம் - 2 டீஸ்பூன்,
வெள்ளை எள் - 2 டீஸ்பூன்,
கொப்பரை தேங்காய்த் துருவல் - 2 டேபிள்ஸ்பூன்,
மிளகாய் தூள் - 1/2 டீஸ்பூன்,
எண்ணெய் - 3 டேபிள்ஸ்பூன்,
உப்பு - தேவையான அளவு,
கரம் மசாலா - 2 சிட்டிகை,
கறிவேப்பிலை - சிறிது.

எப்படிச் செய்வது?

குடை மிளகாயை நீளவாக்கில் நறுக்கி, எண்ணெய் சேர்த்து வதக்கிக் கொள்ளவும். தனியாக வைத்திருக்கவும். தக்காளியை வதக்கி அரைத்துக் கொள்ளவும். எள்,  வேர்க்கடலை (தோல் நீக்கியது), கொப்பரை தேங்காய்த் துருவல், சீரகத்தை எண்ணெய் சேர்க்காமல் வறுத்து, பொடி செய்து கொள்ளவும். கடாயில் எண்ணெய்  சேர்த்து, அரைத்த தக்காளி விழுதைச் சேர்த்து 2 நிமிடம் வதக்கவும். பொடி செய்த வேர்க்கடலை மசாலாவைப் போடவும். அதை நன்கு வதக்கி, மிளகாய் தூள்  சேர்க்கவும். இத்துடன் 1/2 கப் தண்ணீர் சேர்க்கவும். உப்பு, புளிக்கரைசலை சேர்க்கவும்.  45 நிமிடம் மிதமான தீயில் கொதிக்கவிடவும். வதக்கி வைத்த குடை  மிளகாயைச் சேர்த்து, கரம் மசாலா சேர்த்து 1 நிமிடம் கழித்து கறிவேப்பிலை சேர்த்து இறக்கி விடவும்.

- தினகரன்

பதிவிற்கு நன்றி