க்ரீம் ஆஃப் மஷ்ரூம் சூப்

என்னென்ன தேவை?    

காளான் - 6, வெங்காயம் - 1,
பூண்டு - 3 பல்,
இஞ்சி - ஒரு சிறு துண்டு,
பால் - 1/2 கப்,
வெண்ணெய் - 1 டீஸ்பூன்,
பச்சை மிளகாய் - 1,
பிரிஞ்சி இலை - 1,
உப்பு - தேவையான அளவு,
மிளகுத் தூள் -  1/2 டீஸ்பூன்.

எப்படிச் செய்வது?

வெங்காயத்தையும் காளானையும் நீளவாக்கில் நறுக்கிக் கொள்ளவும். குக்கரில் வெண்ணெய் சேர்த்து பூண்டு, பிரிஞ்சி இலை, பச்சை மிளகாய், இஞ்சி சேர்த்து லேசாக வதக்கவும். அத்துடன் வெங்காயம், காளான் சேர்த்து 5 நிமிடங்கள் வதக்கவும். வதங்கியதும் 1 கப் தண்ணீர் சேர்த்து 2 விசில் வரும் வரை வேக வைத்து ஆறவிடவும். ஆறியதும் அத்துடன் பாலைச் சேர்த்து அரைத்துக் கொள்ளவும். ஒரு கடாயில் அரைத்த விழுது, தேவையான தண்ணீர் சேர்த்து உப்பு,மிளகுத் தூள் சேர்த்து 2 கொதி வரும் வரை வேகவிடவும். சூடாகப்பரிமாறவும்.


- தினகரன்