இந்திய ராணுவத்திற்காக உயிர் நீத்த குடும்பம் இன்று அநியாயமாய் கொல்லப்பட்டுள்ளது.....!!

(குறிப்பு : இப்பதிவு முஸ்லிம் என்ற காரணத்திற்காக கண்ணை மூடிக்கொண்டு சப்பைக்கட்டு கட்டிக்கொண்டு வெளியிடும் பதிவல்ல, மாறாக மனசாட்சியோடு உண்மையை பிரதிபலிக்கும் பதிவு....)

நாகாலாந்து மாநிலத்தில் செய்யத் பரீத் கான் என்பவர் நாகா இனத்தை சேர்ந்த பெண் ஒருவரை கடத்தி தொடர்ச்சியாக மூன்று நாட்கள் கற்பழித்ததாக கூறி காவல்துறையினர் கைது செய்து சிறையில் அடைத்தனர்.

அதனைத்தொடர்ந்து நாகா இனத்தை சேர்ந்த 5 ஆயிரத்திற்கும் மேற்பட்ட மக்கள் காவல்நிலையத்தை முற்றுகையிட்டு செய்யத் பரீத் கானை வெளியில் இழுத்து வந்து முழு நிர்வாணத்தோடு அடித்து பெரிய அளவில் சித்ரவதை செய்து படுகொலை செய்தனர்.

அவரை படுகொலை செய்த மக்கள் செய்தியாளர்களிடம் கூறியபோது....
செய்யத் பரீத் கான் குடும்பம் வங்காள தேசத்திலிருந்து ஊடுருவிய குடும்பம் என்று கூறினர்.

இந்த சம்பவம் நாகாலாந்து மாநிலத்தில் பெரிய அளவில் பரபரப்பை ஏற்படுத்தி மாநிலம் முழுவதும் பதற்றம் நிகழ்வதால் இணையதளம் மற்றும் எஸ்.எம்.எஸ் சேவைகளுக்கு முற்றிலுமாக தடை விதிக்கப்பட்டுள்ளது.

மேற்கண்ட செய்தியே இந்தியா முழுவதும் உள்ள அனைத்து ஊடகங்களிலும் செய்தியாக வெளிவந்தது.
இந்நிலையில் இதன் உண்மை தன்மைகள் பற்றி பல்வேறு திடுக்கிடும் தகவல்கள் வெளியாகியுள்ளது.

இது தொடர்பாக அஸ்ஸாம் முதல்வர் தருண் செய்தியாளர்களிடம் கூறியபோது....

அந்த பெண் கற்பழிக்கப்படவில்லை என்று மருத்துவ அறிக்கைகள் கூறுவதாக தெரிவித்தார்.

அந்த பெண் கற்பழிக்கப்படவில்லை என்றால் அவரை சிறையில் அடைத்தது ஏன் ? பெரும் கும்பல் சிறைக் கதவை உடைத்து அவரை கொன்றது ஏன் ? என்ற கேள்வி எழுகிறது.

பல நாட்களாக பல முறை யாராவது ஒரு பெண்ணை கற்பழிக்க முடியுமா ?

கொல்லப்பட்ட செய்யத் பரீத் கானின் சகோதரர் ஜமாலுத்தீன் கான் என்டிடிவிக்கு அளித்த பேட்டியில்....

இந்த அரசு காட்டுமிராண்டி தனமாக நடந்து கொள்கிறது. அரசியல் காரணங்களுக்காக எனது சகோதரன் பலிகடா ஆக்கப்பட்டுள்ளான். வன்புணர்வு செய்யப்பட்டதாக சொல்லப்படும் பெண் எனது சகோதரனின் மனைவியின் பெரியப்பா மகளாவார்.
நெருங்கிய உறவினர். மருத்துவ அறிக்கையும் இவர் கற்பழிக்கப்படவில்லை என்று கூறுகிறது.

அடுத்து எங்கள் குடும்பம் பங்களாதேஷிலிருந்து புலம் பெயர்ந்த வந்தேறிகள் என்ற செய்தியும் பரப்பப்படுகிறது.

எங்கள் குடும்ப உறுப்பினர்கள் பரம்பரையாக இந்திய ராணுவத்தில் பணியாற்றி வருகிறோம். எங்களின் தந்தை சையது ஹூசைன் கான் இந்திய விமான படையில் பணிபுரிந்து ஓய்வு பெற்றவர். எனது தாயாருக்கு இன்று வரை அதன் பென்ஷன் வந்து கொண்டிருக்கிறது. 

எனது மற்றொரு சகோதரன் இமாமுத்தீன் ராணுவத்தில் வேலை செய்து 1999ல் கார்கில் போரில் பாகிஸ்தான் ராணுவத்தால் கொல்லப்பட்டார்.
நாட்டைக் காக்க உயிர் துறந்த எனது குடும்பத்தை அநியாயாமாக அந்நிய தேசத்தவர் என்று எப்படி கூறுகிறீர்கள் ? நாங்கள் அஸ்ஸாமின் கரீம்கஞ்ச் மாகாணத்தில் பல தலைமுறைகளாக வசித்து வருகிறோம் என்கிறார்.

http://www.dailymail.co.uk/news/article-2981515/Justice-Indian-style-Angry-mob-breaks-prison-kidnaps-man-accused-raping-student-stripping-naked-dragging-four-miles-beating-death-street.html

http://www.outlookindia.com/blogs/post/Some-Facts-About-The-Nagaland-Lynching/3506/12

 



இந்திய ராணுவத்திற்காக உயிர் நீத்த குடும்பம் இன்று அநியாயமாய் கொல்லப்பட்டுள்ளது.....!!

மனதை நெருடும் பதிவுதான் மொஹைதீன்.
பகிர்வுக்கு மிக்க நன்றி
படம் சற்று ஆபாசமாக இருந்ததால் நீக்கி இருக்கிறேன்.மன்னிக்கவும்.