சிட்னி நகரில் இருந்த சச்சின் சிலை பாங்காங் கொண்டு செல்லப்பட்டது ஏன்?

-
ஆஸ்திரேலியாவின் சிட்னி நகரில் உள்ள மேடமி டுஸாட்ஸ் மியூசியத்தில் பிரபலங்களின் முழு உருவ மெழுகுச் சிலைகள் வைக்கப்பட்டுள்ளன. இந்த மியூசியத்தை பல துறைகளைச் சேர்ந்த இந்திய பிரபலங்களின் மெழுகு சிலைகளும் அலங்கரிக்கின்றன

கடந்த 2 ஆண்டுகளுக்கு முன்னர் இந்திய கிரிக்கெட் வீரர் சச்சின் தெண்டுல்கரின் சிலையும் இங்கு வைக்கப்பட்டது. சிட்னி நகருக்கு செல்லும் கிரிக்கெட் ரசிகர்கள் சச்சினின் முழு உருவ மெழுகுச் சிலையின் அருகில் நின்று புகைப்படம் எடுத்துகொள்வது வாடிக்கையாக இருந்தது.

இந்நிலையில், தற்போது சச்சினின் சிலை அங்கிருந்து அகற்றப்பட்டுள்ளது.அந்த சிலைக்கு சச்சின் டி20 உலகக் கோப்பை போட்டியில் விளையாடிய ஜெர்சி அணிவிக்கப்பட்டிருந்தது. ஆனால் சச்சின் டி20 உலகக் கோப்பையில் விளையாடியது இல்லை. இது குறித்து மும்பையை சேர்ந்த மிட்டே பத்திரிகை மியூசியத்தின் நிர்வாகத்துக்கு தகவல் அளித்தது.

இந்நிலையில் கடந்த சில நாட்களுக்கு முன், மிட்டே பத்திரிகையை சேர்ந்த நிருபர் ஒருவர் சிட்னி மியூசியத்துக்கு சென்றுள்ளார். அப்போது சச்சின் மெழுகுசிலை குறித்து கேட்ட போது, அது அங்கிருந்து பாங்காங் நகருக்கு சில மாதங்களுக்கு முன் மாற்றப்பட்டதாக தெரிவிக்கப்பட்டுள்ளது.

மேலும் பல நாட்டு மக்களும் பார்வையிட வேண்டுமென்பதற்காக இதுபோன்று சிலைகளை பல நகரங்களுக்கு எடுத்து செல்வது வழக்கமான நடவடிக்கைதான் என்றும் தெரிவிக்கப்பட்டது.

–

விகடன்

நன்றி அண்ணா

தகவலுக்கு நன்றி