இஸ்லாமிய பாடகர் "இசைமுரசு" நாகூர் ஹனீபா காலமானார்!

by முரளிராஜா Thu Apr 09, 2015 11:48 am

:'

இஸ்லாமிய பாடகர் "இசைமுரசு" நாகூர் ஹனீபா காலமானார்! Tamil_News_large_122615320150409071934

'இறைவனிடம் கையேந்துங்கள் புகழ்'', நாகூர் ஹனீபா, உடல் நலக்குறைவால் நேற்று மரணம் அடைந்தார்.

ராமநாதபுரம் மாவட்டம், வெளிப்பட்டினத்தில், கடந்த,1925ம் ஆண்டு, முகமது இஸ்மாயில் - மரியம் பீவிக்கு, மூன்றாவது மகனாக பிறந்தவர் ஹனீபா.தந்தைக்கு நாகூர் பூர்வீகம் என்பதால், தன் பெயருடன் நாகூரை சேர்த்துக் கொண்டார். அவரது ரசிகர்கள்,' இசை முரசு' என்று அழைப்பர்.ஐந்தாம் வகுப்பு வரை மட்டுமே படித்த ஹனீபா, கேள்வி ஞானத்தால் பாடும் திறனை வளர்த்துக்கொண்டார். 1954ல், பாரதி தாசன் எழுதிய, 'எங்கள் வாழ்வும்; எங்கள் வளமும்' என்ற பாடல் இசைத்தட்டில் வெளிவந்து புகழ் அடைந்தார்.பின், அவர் பாடிய, ''இறைவனிடம் கையேந்துங்கள்'' என்ற பாடல் புகழின் உச்சிக்கே அவரை கொண்டு சென்றது.

தி.மு.க.,வினர் நடத்திய பொதுக்கூட்டங்களில் பாடி வந்த ஹனீபா, குலேபகாவலி படத்தில் ஜிக்கி மற்றும் எல்.ஜி.கிருஷ்ணனுடன் சேர்ந்து, ''நாயகமே நபி நாயகமே'' என்ற பாடலில் துவங்கி, நடிகை ரோஜா நடத்த செம்பருத்தி, ராமன் அப்துல்லா என்ற படத்தில், உன் மதமா என் மதமா ஆண்டவன் எந்த மதம் என்ற பாடல் வரை பாடியுள்ளார்.

சென்னை கோட்டூர் புரத்தில் குடும்பத்தாருடன் வசித்து வந்த, நாகூர் ஹனீபா,90, நேற்று உடல் நலக்குறைவால் காலமானார்.அவருக்கு அரசியல் கட்சி மற்றும் இசை உலகினர் அஞ்சலி செலுத்தி வருகின்றனர்.