“ மன்மத ” - வா...வா...!! [ கவிதை ]

*
மன்மதன் வருகிறான்
ஆண்மை வீரன் வருகிறான்
மலர்கள் ரதம் மீதிலேறி
மன்மதன் வருகிறான்.
*
மங்கையர் மையல் கொள்ளும்
வேங்கை மார்பன் வருகிறான்
கரும்பு வில்லை கையிலேந்தி
கட்டழகன் வருகிறான்.
*
காதல் ராணி ரதியுடனே
காதல் மன்னன் வருகிறான்
தங்க கிரீடம் தலையில் தரித்து
மங்கையர் தலைவனாக வருகிறான்.
*
சந்தனம் கமழும் மார்பில் ரதியை
அன்பாய் அணைத்து வருகிறான்
காம நதியில் முக்குளிக்கும்-மதனக்
காம சுந்தரன் வருகிறான்
*
உயிர் மையத் தத்துவத்தை
உலகுக் குணர்த்த வருகிறான்
உலக மக்கள் இன்ப வாழ்வில்
உய்த்துணர்த்த வருகிறான்
*
சிவன் சுட்டெரித்தப் போதிலும்
உயிர்த் தெழுந்து வருகிறான்
காவியமாகி நிலைத்து நிற்கும்
ரதி-மன்மதன் வருகிறான்.
*
மண்ணில் வாழும் மக்களெலாம்
நினைவு கூர்ந்து போற்றவே
மனித உருவெடுத்து வருகிறான்.
“ மன்மத ” ஆண்டாகி வருகிறான்.
*

வாழ்த்துக்கள்

நன்றி இனியவன்...

ரதியோடு வருகிறான்…!!
*
“ மன்மத “ தமிழ்ப் புத்தாண்டு
வரவேற்று
பூத்துக் குலுங்குகின்றன மரங்கள்.
*
மகிழ்ச்சிக்குள் மறைந்திருக்கிறது
மனிதர்களின்
மன்மத வாழ்க்கை.
*
சித்திரைப் பெண்ணாக வருபவள்
இந்த ஆண்டு
மன்மத – ஆணாக வந்திருக்கிறாள்.
*

தங்களுக்கும் இனிய தமிழ் புத்தாண்டு நல்வாழ்த்துக்கள்

உறவுகள் அனைவருக்கும் இனிய தமிழ் புத்தாண்டு நல்வாழ்த்துக்கள்.

கவிதை பகிர்வுக்கு நன்றி அண்ணா.