அனுபவம் ஆயிரம் (பகுதி-1)

by ரௌத்திரன் Wed May 06, 2015 5:19 pm

****என் தாயின் பெயரைக் குறித்துக் கொள்ளுங்கள்.
ஒரு வரலாற்றை வயிற்றில் சுமந்திருக்கிறாள்!

****தகுதி இருந்தாலும் அந்தஸ்து உயரும்வரை
எதையும் ஏற்றுக்கொள்ளாதே. இல்லையேல்,
பரிசுகூடப் பிச்சை என்று பேசப்பட்டுவிடும்.

*****தேவைகள் தீர்ந்துவிட்டால் எந்த மனிதனும்
பாதை மாற வேண்டிய அவசியம் இருக்காது.

*****."மயக்கம்" என்ற சொல்லுக்கு
"வேதனை" என்றொரு பொருளும் இருக்கிறது.
எந்த மயக்கமும் கடைசியில் கொண்டுபோய் விடுவது
அந்த இடத்திலேதான்.

*****பாதையைக் கண்டுபிடிக்கும் முயற்சியிலேயே
பலரது பயணங்கள் முடிந்துவிடுகின்றன

*****இழக்க இழக்க வருவதற்குப் பெயர் கர்வமல்ல,
அதுதான் நம்பிக்கையின் அசல் வடிவம்

*****காலம் உன் கையில் கொடுக்கும் அனைத்தும்
உனக்கே என்று எண்ணிவிடாதே.
நீ மற்றவர்களுக்குக் கொடுக்க வேண்டியதும்
அதிலே இருக்கலாம்.

*****வாழும்போது நாலு பேரையாவது சிரிக்க வை.
ஏனென்றால்,
உன் சாவுக்குப் பிறர்தான் அழுதாக வேண்டும்

*****உணர்ச்சிகள் உபதேசங்களுக்கு அப்பாற்பட்டவை

*****நீ நேசித்தவர்கள் உன் முதுகில் குத்தினால்,
வலியை வெளிப்படுத்தாமல் சிரிக்கப் பழகு.
இல்லையேல் "துரோகி" என்பார்கள்!

-----------ரௌத்திரன்

by ஸ்ரீராம் Wed May 06, 2015 5:30 pm

பாதையைக் கண்டுபிடிக்கும் முயற்சியிலேயே
பலரது பயணங்கள் முடிந்துவிடுகின்றன

ரொம்ப உண்மைங்க.
அனைத்தும் அருமை.

by முரளிராஜா Wed May 06, 2015 7:04 pm

அனைத்தும் அருமை

by செந்தில் Wed May 06, 2015 7:40 pm

அனைத்தும் சிறப்பான கருத்து.
கைதட்டல்

by ரௌத்திரன் Wed May 06, 2015 9:15 pm

மிக்க நன்றி தோழர் ஸ்ரீராம், முரளிராஜா மற்றும் செந்தில் மூவருக்கும்! -----------ரௌத்திரன்

by கவியருவி ம. ரமேஷ் Thu May 07, 2015 7:58 am

தேவைகள் தீர்ந்துவிட்டால் எந்த மனிதனும்
பாதை மாற வேண்டிய அவசியம் இருக்காது.

எல்லாருக்கும் எல்லாம் கிடைத்தால் உலகமே புண்ணிய பூமியாகிவிடும்

by ரௌத்திரன் Thu May 07, 2015 12:15 pm

முற்றிலும் உண்மை. அவனவன் வயிறு நிறைந்துவிட்டால் ஏன் அடுத்தவன் இலையைப் பார்த்து ஏங்கப் போகிறான்? அவரவர் தேவை அந்தந்த வயதில் பூர்த்தியாகிவிட்டால் எந்தக் குற்றங்களும் அரங்கேறா! ------ரௌத்திரன்

by Sponsored content

அனுபவம் ஆயிரம் (பகுதி-1)

அனுபவம் ஆயிரம் (பகுதி-1)

Re: அனுபவம் ஆயிரம் (பகுதி-1)

Re: அனுபவம் ஆயிரம் (பகுதி-1)

Re: அனுபவம் ஆயிரம் (பகுதி-1)

Re: அனுபவம் ஆயிரம் (பகுதி-1)

Re: அனுபவம் ஆயிரம் (பகுதி-1)

Re: அனுபவம் ஆயிரம் (பகுதி-1)

Re: அனுபவம் ஆயிரம் (பகுதி-1)