வேலை பெற, நகமும் சுத்தமாயிருக்கணும்!

by செந்தில் Wed Nov 21, 2012 12:13 pm

நீங்கள் வேலை தேடிக் கொண்டிருப்பவரா? அப்படியானால் உங்கள் நகங்களைச் சுத்தமாகவும், அழகாகவும் பராமரித்திடுங்கள். காரணம், வேலை தேடுவோரை நேர்முகம் காண்போர், நகங்களைக் கூட கவனிக்கிறார்களாம். ஒருவரது நகங்கள் எப்படியிருக்கின்றன என்பதை வைத்தே, அவரது நடத்தை எப்படியிருக்கும் என்று கணித்து விடுகிறார்களாம்.
இங்கிலாந்தில் ஒரு பேஷன் நிறுவனம் சமீபத்தில் மேற்கொண்ட ஆய்வில் இந்தப் புதிய விஷயம் தெரியவந்திருக்கிறது.

அந்த ஆய்வில், 2 ஆயிரம் நிர்வாகிகளிடம் தகவல் சேகரித்தனர். அப்போது நான்கில் ஒரு நிர்வாகி, நகம் ஒழுங்கற்று, நுனியில் உடைந்திருக்கும் விண்ணப்ப
தாரரை தாங்கள் விரும்புவதில்லை என்று தெரிவித்தனர். அது, குறிப்பிட்ட நபரின் சோம்பேறித்தனத்தை எடுத்துக்காட்டுவதாக இருக்கும் என்று அவர்கள் கூறினர்.
நகங்களில் கறை எதுவும் படிந்திருந்தால் அந்த நபரை வேலைக்கு அமர்த்துவதில் தாங்கள் ஆர்வம் காட்டுவதில்லை என்று ஐந்தில் ஒரு பங்கு நிர்வாகிகள் தெரிவித்தனர். பார் போன்றவற்றில் நேரத்தைச் செலவழிப்பதன் மூலம் அவ்வாறு கறை ஏற்பட்டிருக்கலாம், அத்தகைய நபர்கள் சீக்கிரமாக அலுவலகத்தை விட்டுக் கிளம்பி பாருக்கு ஓடுவதில்தான் கவனமாக இருப்பார்கள் என்று தாங்கள் கருதுவதாக அந்த நிர்வாகிகள் கூறினர்.
அதைப் போல வெயிலில் காய்ந்து சருமம் கறுத்திருப்பதும் வேலைவாய்ப்புக்கு எதிராக அமையும் என்கிறார்கள், ஆய்வை மேற்கொண்டோர். அது குறிப்பிட்ட நபர், வேலையை விட கடற்கரை போன்ற வெளியிடங்களில் நேரத்தைக் கழிப்பதில்தான் அதிக ஆர்வமுள்ளவர் என்று காட்டுமாம்.
அதேபோல, `பளிச்’சென்ற சிவப்பு நிறத்தில் பூசப்பட்டிருக்கும் லிப்ஸ்டிக்கும், புருவங்களை அடர்த்தியாகத் தீட்டியிருப்பதும், மூச்சைத் திணறடிக்கிற நறுமணமும் நேர்முகத்துக்கு வருபவரை அளவுக்கு அதிகமாக தன்னம்பிக்கை உடையவராகவும், தடாலடிக்காரராகவும் காட்டும் என்கிறார்கள். அத்தகைய நபர்களை தாங்கள் விரும்புவதில்லை என்று சில நிர்வாகிகள் தெரிவித்திருக்கின்றனர்.
இன்டர்வியூவுக்குச் செல்பவர்கள், இதையெல்லாம் கவனத்தில் வைத்திருங்கள்!