வாதுமைக் கொட்டை:-

by முழுமுதலோன் Fri Sep 04, 2015 5:44 pm

பாதாம் பருப்புகள் என அழைக்கப்படும் வாதுமைக் கொட்டை சத்துமிக்க பருப்பு வகையைச் சேர்ந்தது. பருத்த நெல்மணிகள் போல தோற்றத்தில் காணப்படும் வாதுமைக் கொட்டை, மிக ருசியானது. அல்மாண்ட்ஸ் என ஆங்கிலத்தில் அழைக்கப்படும் இதிலுள்ள சத்துப் பொருட்களை பார்க்கலாம்...
* வாதுமைக் கொட்டைகள், எளிதில் ஜீரணம் ஆகும் நார்ச்சத்துக்களை ஏராளமாக கொண்டுள்ளது. அத்துடன் வைட்டமின்கள், தாதுஉப்புக்கள், அத்தியாவசிய துணை ரசாயனங்களும் குறிப்பிட்ட அளவில் உள்ளன.
* ஒற்றைப் பூரிதமாகாத கொழுப்பு அமிலங்கள் மிகுதியாக உள்ளது. ஆலியிக் அமிலம், பால்மிடோலியிக் அமிலம் ஆகியவை குறிப்பிடத்தக்க கொழுப்பு அமிலங்கள் ஆகும். இவை கெட்ட கொழுப்புகளான எல்.டி.எல். கொழுப்புகளை குறைத்து, எச்.டி.எல். எனப்படும் நல்ல கொழுப்புகளை அதிகரிக்க உதவும்.
* கரோனரி தமனி பாதிப்பு, முடக்குவாதம் ஆகிய பாதிப்புகளில் இருந்து தற்பாதுகாப்பு தருவதிலும் இந்த கொழுப்பு அமிலங்கள் உதவுவதாக சில ஆய்வுகளில் தெரிய வந்துள்ளது.
* வாதுமைக் கொட்டைகளில் சிறப்பான அளவில் வைட்டமின்-இ உள்ளது. 100 கிராம் வாதுமைக் கொட்டையில் 25 கிராம் அளவில் வைட்டமின்-இ நிறைந்துள்ளது. இது தினசரி உடலில் சேர்க்க வேண்டிய ஆர்.டி.ஏ. அளவின்படி 170 சதவீதம் என்பது குறிப்பிடத்தக்கது.
* வைட்டமின்-இ, சிறந்த நோய் எதிர்ப்பு பொருளாக செயலாற்றக் கூடியது. உடற்செல்களின் சவ்வு முழுமையான வளர்ச்சி பெறவும், ஆக்சிஜன் பிரீ-ரேடிக்கல்களில் இருந்து சருமத்தை பாதுகாப்பதிலும் வைட்டமின்-இ, முக்கிய பங்கு வகிக்கிறது.
* அல்மாண்ட்ஸ் பருப்பில், குளூடின் எனும் புரதப் பொருள் கிடையாது. (கோதுமையில் காணப்படும் தீங்கு தரும் புரதப்பொருள்தான் குளூடின். இது சிலருக்கு ஒவ்வாமையையும், பக்க விளைவுகளையும் உருவாக்கும்.) அரிசியை முக்கிய உணவுப் பொருளாகக் கொண்ட தமிழகத்தில் எப்படி ‘சுகர்பிரீ’ உணவுப் பொருட்களுக்கு மவுசு அதிகமோ, அதுபோல கோதுமையை முக்கிய உணவுப் பொருளாக கொண்ட பகுதிகளில் 'குளூடின்-பிரீ' உணவுப்பொருட்கள் பிரபலம். இப்படி தயாரிக்கப்படும் குளூடின்-பிரீ உணவுப் பண்டங்களில் முக்கிய இடம் வகிப்பது வாதுமைக் கொட்டைகள்தான்.
* பி-குழும வைட்டமின்களான ரிபோபிளேவின், நியாசின், தயாமின், பான்டோ தெனிக் அமிலம், வைட்டமின் பி-6 மற்றும் போலேட் ஆகியவை உள்ளன. இவை சுரப்பிகள் நன்கு செயல்பட துணைக் காரணியாக உதவுகின்றன. வளர்ச்சிதை மாற்றத்திலும் பங்கெடுக்கின்றன.
* மாங்கனீசு, பொட்டாசியம், கால்சியம், இரும்பு, மக்னீசியம், துத்தநாகம், செலீனியம் போன்ற அத்தியாவசிய தாதுப் பொருள்களும் வாதுமைப் பருப்பில் உள்ளன.
பயன்பாடுகள் :
வாதுமைக் கொட்டைகளை ஓடு நீக்கி அப்படியே கொறித்துத் தின்னலாம். உப்பு மற்றும் இனிப்பு சேர்த்து வறுத்து சுவைப்பது தனி ருசியைத் தரும். வாதுமைக் கொட்டைகளை அரைத்து தயாரிக்கப்படும் பால், இந்தியா மற்றும் ஆசிய நாடுகளில் பரவலாக பருகப்படும் பானமாகும்.
சருமத்திற்கு வளவளப்புத் தன்மையைத் தரும் களிம்பு வகை வாதுமைக் கொட்டையை பயன்படுத்தி தயாரிக்கப்படுகிறது. ஈரான், துருக்கி போன்ற நாடுகளில் வாதுமைக் கொட்டையில் தயாரிக்கப்படும் எண்ணெயை சமையலுக்குப் பயன்படுத்துகிறார்கள்.
அழகுகலை மையங்களில் வாதுமைக் கொட்டையில் தயாரிக்கப்படும் நறுமண எண்ணெய், மசாஜ் செய்ய பயன்படுத்தப்படுகிறது. வறுத்து, பொறிக்கும் பல்வேறு உணவு வகைகளில் வாதுமைப் பருப்புகள் சேர்க்கப்படுகிறது

வாதுமைக் கொட்டை:- 11987053_965866810102301_1438028096202901038_n