மருதாணி

by முழுமுதலோன் Wed Sep 09, 2015 10:57 am

மறக்கப்பட்ட மருதாணி!

மருதாணி E_1388904493

அழகை விரும்பாத பெண்கள் யாருமே இருக்க மாட்டார்கள். அந்த அழகை பெற, அழகு நிலையங்களுக்கு படையெடுக்கும் பெண்கள் ஏராளம். இன்னும் சிலரோ, வீட்டுக்குள்ளேயே, மினி பியூட்டி பார்லரை ஏற்படுத்தி, தங்களை தினமும் அலங்கரித்துக் கொள்கின்றனர். காரணம் கேட்டால், "இந்த வயதில் அலங்காரம் பண்ணாமல், ஐம்பது வயதிலா செய்துக்க முடியும்...' என்கின்றனர். நியாயம் தானே! இதனால் தானோ என்னவோ, நம் முன்னோர், ஆரோக்கியமான அழகுக்கு, முன்னுரிமை கொடுத்து வந்திருக்கின்றனர். ஆனால், நாம் தான், அதை சரியாகப் பின்பற்றுவதில்லை.

கையில் மருதாணி இட்டுக்கொள்வது, பெண்கள் இடையே, காலம் காலமாகவே இருந்து வருகிறது. இப்போது, அதற்கு பதிலாக, செயற்கை நக பூச்சுக்கு மாறி விட்டனர். அந்த நகப் பூச்சு, உரிந்து, சாப்பிடும்போது வயிற்றுக்குள் போய், நோயை உண்டாக்குகிறது. அதே போல் ரசாயனம் கலந்த மருதாணி பொடியை பயன்படுத்துகின்றனர். அதுவும் ஆபத்தானது தான். ஆனால், இயற்கையாக கிடைக்கும் மருதாணி இலையால், இது போன்ற பிரச்னைகள் வருவதில்லை.

நகங்களின் இடுக்கில், அழுக்கு சேர்வது தவிர்க்க முடியாதது. நகத்தை வளர விடாமல், ஒட்ட நறுக்குவதன் மூலம், அதைத் தவிர்க்க முடியும். மேலும், மருதாணி வைத்துக் கொள்வதால், நக அழுக்கில் உள்ள விஷக் கிருமிகளை அழிப்பதுடன், உடல் உஷ்ணத்தைக் குறைக்கும்.

அடிக்கடி மருதாணி இட்டுக் கொள்பவர்களுக்கு, சொறி, சிரங்கு, தொற்றுநோய் கிருமிகள் நெருங்குவது இல்லை. மருதாணி போல், அந்த காலத்தில், தமிழ் பெண்கள் இடையே மூக்குத்தி அணியும் வழக்கம் இருந்தது. இன்றும் கூட, கிராமங்களில், மூக்குத்தி அணிந்துள்ள பெண்களைப் பார்க்கலாம். ஆனால், இன்றைய இளம் பெண்களோகளோ, மூக்குத்தியை மறந்தே போய் விட்டனர்.
பொதுவாக, ஆண்களை விட, பெண்களின் மூச்சுக்காற் றுக்கு பவர் அதிகம். மூக்குத்தி அணிந்து கொண்டால், அது, அவர்களது மூச்சுக் காற்றை சீராக வெளியேற்றுவதுடன், உடல் ஆரோக்கியமும் கிடைக்கும்.

இன்று, சிலர், கடைகளில் கிடைக்கும் மூக்குத்தி போன்ற டப்சை வாங்கி, தேவையான போது, மூக்கில் மாட்டிக் கொள்கின் றனர். அதனால், எந்த பயனும் கிடையாது.
இதுபோன்ற பல விஷயங்கள், நம்மிடையே மறந்து போயிருக்கிறது. நம் பாரம்பரியத்தை பறைசாற்றும், பழக்கவழக்கங்களை விட்டொழிக்காமல், இந்த புது வருடத்திலிருந்தாவது பின்பற்றி, மற்றவர் களுக்கு முன்னோடியாக இருப்போம்.

by செந்தில் Wed Sep 09, 2015 1:23 pm

பல விஷயங்கள், நம்மிடையே மறந்து போயிருக்கிறது. நம் பாரம்பரியத்தை பறைசாற்றும், பழக்கவழக்கங்களை விட்டொழிக்காமல், இந்த புது வருடத்திலிருந்தாவது பின்பற்றி, மற்றவர் களுக்கு முன்னோடியாக இருப்போம்.

கடைபிடிப்போம்
எற்றுக்கொள்கிறேன்