பி.எஸ்.என்.எல் பிராட்பேண்ட் குறைந்தப்பட்ச வேகம் நான்கு மடங்கு அதிகரிப்பு

by முரளிராஜா Tue Sep 08, 2015 5:35 pm

பிராட்பேண்ட் குறைந்தப்பட்ச வேகம் நான்கு மடங்கு அதிகரிப்பு
பி.எஸ்.என்.எல் பிராட்பேண்டின் குறைந்தபட்ச வேகம் 512Kbps-இல் இருந்து 2Mbps ஆக உயர்த்தப்பட்டுள்ளது. வாடிக்கையாளர்கள் இதற்கு எந்தவித கூடுதல் கட்டணமும் செலுத்த தேவையில்லை.

கடந்த சில ஆண்டுகளாகவே பி.எஸ்.என்.எல் வாடிக்கையாளர்களின் எண்ணிக்கை கனிசமாக குறைந்து வருகிறது. அண்மையில் தனியார் தொலை தொடர்பு நிறுவனங்களின் இணையதள சேவையின் வேகம் அதிகரிக்கப்பட்டதால், பி.எஸ்.என்.எல் பிராட்பேண்ட் வாடிக்கையாளர்களின் எண்ணிக்கை குறையும் வாய்ப்பு ஏற்பட்டுள்ளது. எனவே வாடிக்கையாளர்களை கவரும் வகையில் பி.எஸ்.என்.எல் பிராட்பேண்ட் சேவையின் கட்டமைப்பு மேப்படுத்தப்பட்டு, இணையதள சேவை வேகம் அதிகரிக்கப்பட்டுள்ளது.

இந்த புதிய மேம்படுத்தல் குறித்து பி.எஸ்.என்.எல். நிறுவனத் தலைவர் அனுபம் ஸ்ரீவாஸ்தா கூறுகையில், ''பி.எஸ்.என்.எல். நிறுவன பிராட்பேண்ட் சேவையின் வேகத்தை நான்கு மடங்கு அதிகரித்து உள்ளோம். அடுத்த மாதம் அக்டோபர் 1 ஆம் தேதி முதல் குறைந்தபட்சம் நொடிக்கு 2Mb அதிவேகத்தில் இணையதள சேவையை பி.எஸ்.என்.எல். வழங்க உள்ளது. கூடுதல் கட்டணம் ஏதுமின்றி, கூடுதல் வேகத்தில் இணையதள சேவையை வாடிக்கையாளர்கள் பெறலாம்" என தெரிவித்துள்ளார்.