முளை கட்டிய தானிய உணவு :-

முளை கட்டிய பயறு மிகவும் சத்தான ஒரு உணவு. மற்ற தானியம் போல முளை கட்டிய பயறு வகை வாயுத்தன்மை இல்லாதவை. ஆகவே இது எல்லோருக்கும் ஏற்ற உணவாகும்.
இதில் லைசின் எனப்படும் அமினோ ஆசிட் அதிக அளவில் உள்ளது. கால்சியம், பாசுபரசு, மெக்னீசியம், பொட்டாசியம், போலேட் மற்றம் வைட்டமின் பி, சி அடங்கியது. மேலும் ஊட்டச் சத்து உள்ள உணவு.
பச்சையான வேர்க் கடலைப் பருப்பு, பாசிப்பயறு(சிறுபயறு), கொண்டக் கடலை, தட்டைப் பயறு, பட்டாணிக் கடலை, மற்றும் எள், கம்பு, கொதுமை ஆகியவற்றில் ஏதேனும் ஒன்று அல்லது இரண்டு வகையான தானியங்களை தனித்தனயே பனிரெண்டு மணி நேரம் பச்சைத் தண்ணீரில் ஊற வைத்து, பின்னர் தண்ணீரை நன்கு வடித்துவிட்டு, மூடாமல் திறந்த பாத்திரத்தில் பனிரெண்டு மணி நேரம் வைத்திருந்தால் வெள்ளையாக முளை வந்து விடும்.
அல்லது ஈரமான கதராடை அல்லது ஈரமான கைத்தறி ஆடையில் தானியத்தைக் கட்டி தொங்க விட்டாலும் இருபத்து நான்கு மணி நேரத்தில் முளை வந்து விடும்.
ஒரு நாளைக்கு மூன்று வேளையும் முடியாவிட்டாலும் ஒரு வேளையாவது இயற்கை உணவை உட்கொண்டு வாருங்கள். அதன் பிறகு பாருங்கள் உங்கள் ஆரோக்கியத்தை.
பச்சைப்பயறு, கொண்டக்கடலை, வெந்தயம், எள்ளு, வேர்க்கடலை, சூரியகாந்தி விதை, வெள்ளரி விதை, கொள்ளு மற்றும் கறுப்பு உளுந்து போன்ற தானியங்களை வீட்டிலேயே முளைக்கச் செய்து சாப்பிடுவதுதான் முளைதானிய உணவு எனப்படும் இயற்கை உணவாகும்.
இந்த தானியங்களை நன்றாக கழுவி 8 மணி நேரம் ஊற வைத்து பின் ஈரமான பருத்தி துணியில் சுற்றி வைத்து விட்டால் 8 – 10 மணிக்குள் தானியம் முளைவிட்டு இருக்கும். இந்த தானிய உணவானது ஆரோக்கியத்தையும் அளவற்ற சக்தியையும் அள்ளித்தரும் மலிவான உன்னதமான உயிர் உணவு. இதன் பயனை உணர்ந்து கொண்டால் கட்டாயம் உங்கள் குடும்ப உணவாகவே மாறி விடும்.
இந்த உணவின் மூலம் புரதம், கால்சியம், சோடியம், இரும்புத்தாது, பொட்டாசியம் மற்றும் பாஸ்பரஸ் போன்றவைகள் கூடுதலாக கிடைப்பதுடன் விட்டமின் ஏ, பி1 மற்றும் பி2 போன்றவையும் அபரிமிதமாக கிடைக்கிறது.
முளைவிட்ட பச்சைப்பயிறு சாப்பிட்டால் சர்க்கரை நோய் கட்டுப்பாட்டில் இருக்கும்.
முளைவிட்ட கோதுமை சாப்பிட்டால் புற்றுநோய் மட்டுப்படும்.
முளைவிட்ட எள்ளு சாப்பிட்டால் ஒல்லியானவர்களுக்கு உடல் போடும் கண்பார்வை மேம்படும்.
முளைவிட்ட கொண்டக்கடலையை விளையாட்டு வீரர்கள் மற்றும் கடினமான உடல் உழைப்பாளிகள் அதிகம் சாப்பிடலாம். காரணம் தங்களது சக்தி குறையாமல் பார்த்துக் கொள்ளலாம்.
முளைவிட்ட கறுப்பு உளுந்து, தாய்ப்பால் சுரப்பை அதிகரிக்க செய்யும்.
முளைவிட்ட கொள்ளு சாப்பிட்டால் உடல் பருமன் குறையும்.. மூட்டுவலி தீரும்.
எந்தவித நோய்களும் வராமல் தடுக்கும் சக்தியும் இந்த முளைவிட்ட தானியங்களுக்கு அதிகம் உண்டு.
நன்றி...
"கழிவின் தேக்கம் வியாதி
கழிவின் வெளியேற்றம் குணம்"
இயற்கையாய் இயற்கையோடு வாழ..!
இயற்கை மருத்துவத்துக்கு மாறுவோம்..!

மருத்துவம்

பயனுள்ள தகவல் பகிர்வுக்கு நன்றி அண்ணா

ஆரோக்கியமான தகவல் ஐயா

பகிர்வுக்கு நன்றி