“சாகர்மாலா’ திட்டத்தின் கீழ் ஒரு கோடி வேலைவாய்ப்புகள் உருவாக்கப்படும்

“சாகர்மாலா’ துறைமுக மேம்பாட்டுத் திட்டத்தின்
கீழ், அடுத்த 4, 5 ஆண்டுகளில் குறைந்தபட்சம்
ஒரு கோடி வேலைவாய்ப்புகளை உருவாக்குவதற்கு
மத்திய அரசு இலக்கு நிர்ணயித்துள்ளது என்று
மத்திய தரைவழிப் போக்குவரத்து, நெடுஞ்சாலைத்
துறை அமைச்சர் நிதின் கட்கரி தெரிவித்தார்.நாட்டில் உள்ள 7,500 கி.மீ. கடலோரப் பாதைகள்,
14,500 கி.மீ. நீர்வழிப் பாதைகள், சர்வதேச கடல்சார்
வர்த்தக வழிகள் ஆகியவற்றை மேம்படுத்தும்
“சாகர்மாலா’ திட்டம் தொடர்பான உயர்நிலைக்
குழுவின் கூட்டம், தில்லியில் சனிக்கிழமை நடை
பெற்றது.
அதன் பிறகு, மத்திய அமைச்சர் நிதின் கட்கரி
செய்தியாளர்களிடம் சனிக்கிழமை கூறியதாவது:

“சாகர்மாலா’ திட்டத்தின் கீழ் கப்பல் மற்றும் துறை
முகத் துறையில் மட்டும் குறைந்தபட்சம் ஒரு கோடி
வேலைவாய்ப்புகள் உருவாக்கப்படும். அவற்றில்,
40 லட்சம் வேலைவாய்ப்புகள் நேரடியாகவும்,
60 லட்சம் வேலைவாய்ப்புகள் மறைமுகமாகவும்
உருவாக்கப்படும்.

மும்பையில், வரும் 14ஆம் தேதி முதல் நடை
பெறவுள்ள இந்திய கடல்சார் உச்சி மாநாட்டில் மட்டும்,
இந்தத் துறையில் சுமார் ரூ.2 லட்சம் கோடி மதிப்பிலான
முதலீடுகள் ஈர்க்கப்படும்.

கடல்சார் துறையில் ஏராளமான வாய்ப்புகளை
உருவாக்குவதற்காகவே, இந்த உச்சி மாநாடு ஏற்பாடு
செய்யப்பட்டுள்ளது. மாநாட்டில், பிரதமர் நரேந்திர மோடி
வெளியிடவுள்ள அறிவிப்புகளின் மூலம் நாட்டின்
பொருளாதார வளர்ச்சிக்கு துறைமுகத் துறை உந்து
சக்தியாகச் செயல்பட முடியும்.

நாடு முழுவதும் உள்ள 116 நதிகளை நீர்வழிப்
பாதைகளாக மாற்றும் நடவடிக்கைகள் தொடங்கப்பட்டு
விட்டன.

நீர்வழிப் பாதைகளை மேம்படுத்துவதன் மூலம்,
சாலைப் போக்குவரத்து, ரயில்வே ஆகியவற்றை விட
நீர்வழிப் போக்குவரத்தின் மூலம் சரக்குகளைக் கொண்டுச்
செல்லும் செலவுகள் குறையும்.

மேலும், முக்கியத் துறைமுக நகரங்களில் பொலிவுறு
நகரங்களை அமைப்பது, மேற்கு வங்க மாநிலத்தில்
உள்ள ஹால்டியாவுக்கும், உத்தரப் பிரதேச மாநிலத்தில்
உள்ள வாராணசிக்கும் இடையில் கங்கை நதியில்
1,620 கி.மீ. தூரத்திய நீர்வழித்தடத்தை மேம்படுத்துவது
ஆகியவற்றில் கவனம் செலுத்தி வருகிறோம்.

நாடு முழுவதும் உள்ள 13 மாநிலங்களில் வசிக்கும்
ஒரு லட்சம் மீனவர்களின் நலன்களைக் காப்பதற்கு
முன்னுரிமை அளிக்கப்படும் என்றார் நிதின் கட்கரி.
–
——————————
தினமணி