"சனி கோயிலில் பெண்கள் வழிபாடு நடத்துவதால் குற்றம் அதிகரிக்கும்'

மகாராஷ்டிர மாநிலம், சனி சிங்கணாப்பூர்
கோயிலில் பெண்கள் வழிபாடு நடத்துவதால்
பாலியல் வன்கொடுமை போன்ற குற்றங்கள்
சமுதாயத்தில் அதிகரிக்கும் என்று
ஸ்வரூபானந்த சரஸ்வதி சங்கராச்சாரியார்
கூறியிருப்பது சர்ச்சையை ஏற்படுத்தியுள்ளது.
-
இந்தக் கோயிலில் பெண்கள் வழிபாடு நடத்த
400 ஆண்டுகளாகத் தடை இருந்தது. இந்நிலையில்,
மகளிர் அமைப்புகளின் போராட்டம், மும்பை உயர்
நீதிமன்றத்தின் உத்தரவு ஆகியவற்றை தொடர்ந்து
பெண்கள் வழிபாடு நடத்த அண்மையில் அனுமதி
அளிக்கப்பட்டது.
-
இதுகுறித்து, உத்தரகண்ட் மாநிலம், ஹரித்துவாரில்
செய்தியாளர்களிடம் ஸ்வரூபானந்த சரஸ்வதி
கூறியதாவது:
-
சனி பகவான் கோயிலில் வழிபாடு நடத்தியதை
ஒரு வெற்றியாக பெண்கள் கருதக் கூடாது.
தங்களின் செயலுக்காக தம்பட்டம் அடிப்பதையும்
அவர்கள் நிறுத்திக் கொள்ள வேண்டும்.

சனி பகவானை வழிபட்ட பெண்களுக்கு கெட்ட
நேரம் தொடங்கிவிடும். மேலும் பாலியல் வன்
கொடுமை போன்ற பெண்களுக்கு எதிரான குற்றங்கள்
அதிகரித்து விடும் என்றார் அவர்.
-
----------------------------
தினமணி

-
துவாரகா - சாரதா பீடத்தின் சங்கராச்சார்யா சுவாமி ஸ்வரூபானந்த் சரஸ்வதி