ஐஸ்கிரீம் இல்லையா? கொதித்தனர் உறவினர்கள்; நின்றது திருமணம்

உத்தரபிரதேசம் மாநிலம் மதுராவில் உள்ள
மகேஷ்நகர் காலனியில் இரு குடும்ப திருமண
உறுதி செய்யும் நிகழ்ச்சி சிறப்பாக நடந்து
கொண்டிருந்தது.

தாலி கட்டும் முன்னதாக ஐஸ்கிரீம் சப்ளை
செய்யப்பட்டது. ஆனால் இதற்கு தட்டுப்பாடு
ஏற்பட்டது. இதனால் ஆத்திரமுற்ற மாப்பிள்ளை
வீட்டார் தகராறில் ஈடுபட்டனர்.

இதனை தொடர்ந்து பெண் வீட்டாருக்கும் ,
மாப்பிள்ளை வீட்டாருக்கும் கை கலப்பானது.
இதில் பலர் காயமுற்றனர்.

தொடர்ந்து போலீசார் வந்து சிலரை கைது செய்தனர்.
போலீஸ் நடவடிக்கைக்கு எதிராக பெண் வீட்டார்
போலீசாருடன் வாக்குவாதம் செய்தனர். இதில்
ஆத்திரமுற்ற ஒரு பிரிவினர் போலீசார் மீது கல்
வீசி தாக்கினர். போலீசார் சிலரும் காயமுற்றனர்.

இந்த வன்முறை சம்பவம் தொடர்ந்து திருமணம்
ரத்து செய்யப்படுவதாக அறிவிக்கப்பட்டது.

இந்த சம்பவம் உ பி., மாநிலத்தில் இப்போது
பரவலான பேச்சு இந்த நிகழ்வு தான்.
-
----------------------
தினமலர்