யானைகளை காப்பாற்ற ஆப்பிரிக்கத் தலைவர்கள் மாநாடு

யானைகள் வேட்டையாடப்படுவதைத் தடுப்பது பற்றியும், அழிவிலிருந்து அவற்றை பாதுகாப்பது பற்றியும் பேச்சு நடத்துவதற்காக ஆப்பிரிக்கத் தலைவர்கள் கென்யாவில் கூடியுள்ளனர்.

யானைகள் வேட்டையாடப்படுவதைத் தடுப்பது பற்றியும், அழிவிலிருந்து அவற்றை பாதுகாப்பது பற்றியும் பேச்சு நடத்துவதற்காக ஆப்பிரிக்கத் தலைவர்கள் கென்யாவில் கூடியுள்ளனர்.

சட்டவிரோத யானைத் தந்த வணிகத்தை நிறுத்துவதற்கு உறுதியான நடவடிக்கைகள் எடுக்கப்பட வேண்டும் என்று கென்ய அதிபர் உஹுரு கென்யாட்டா கோரியுள்ளார்.

ஆப்பிரிக்கா எங்கிலும் புதிய தலைமுறை வேட்டையாளர்களால் யானைக் கூட்டங்கள் சுற்றிவளைக்கப்படுவதாக கென்யாட்டா கூறினார்.

இந்த வேட்டையாளர்கள் தேவையான ஆயுத வசதிகளையும் சர்வதேச சந்தைகளுடன் பலமான தொடர்புகளையும் கொண்டவர்கள் எனவும் அதனால் அழிவுகரமான விளைவுகள் ஏற்படுவதாகவும் கென்ய அதிபர் கூறுகின்றார்.

ஆப்பிரிக்க அரசு தலைவர்களும் வணிக தலைவர்களும் விஞ்ஞானிகளும் கலந்துகொண்டுள்ள இந்த மாநாட்டில் சட்டவிரோதமாக யானைகள் கொல்லப்படுவதை நிறுத்துவதற்கான வழிவகைகள் குறித்து ஆராயப்படவுள்ளது.
-
தமிழ் தி இந்து காம்