சமையல் எரிவாயு மானியத்தில் ரூ.21ஆயிரம் கோடி சேமிப்பு:மத்திய அரசு தகவல்

by rammalar Thu May 05, 2016 7:18 am

சமையல் எரிவாயு மானியம் நேரடியாக
ஒவ்வொருவரின் வங்கிக் கணக்கில்
செலுத்தப்படுவதாலும், போலி சமையல் எரிவாயு
இணைப்புகள் நீக்கப்பட்டதாலும் ரூ.21ஆயிரம்
கோடி சேமிக்கப்பட்டுள்ளதாக மத்திய அரசு
தெரிவித்துள்ளது.

தில்லியில் சமையல் எரிவாயு மானியம்
தொடர்பான கருத்தரங்கம் புதன்கிழமை நடை
பெற்றது.

இதில் பங்கேற்ற பெட்ரோலியத் துறை அமைச்சர்
தர்மேந்திர பிரதான் பேசியதாவது:

கடந்த 2014ஆம் ஆண்டு நவம்பர் மாதம் முதல்,
சமையல் எரிவாயு மானியம் வாடிக்கையாளர்களின்
வங்கிக் கணக்கில் நேரடியாக செலுத்தப்பட்டு
வருகிறது. இதன்மூலம், வெளிப்படைத்தன்மை
கொண்டுவரப்பட்டது.

கடந்த ஆண்டு ஏப்ரல் 1ஆம் தேதி நிலவரப்படி,
சமையல் எரிவாயு உருளையைப் பெறுவதற்காக
18.19 கோடி பேர் பதிவு செய்திருந்தனர்.
அவர்களில் 14.85 கோடி பேரின் கணக்குகள் சரியான
ஆவணங்களுடன் பதிவு செய்யப்பட்டுள்ளன.

எஞ்சிய 3.34 கோடி பேர், போலியாக பதிவு
செய்துள்ளனர். அவர்களின் பதிவுகள் நீக்கப்பட்டு
விட்டன. இதன்மூலம், 2014-15ஆம் நிதியாண்டின்
முடிவில் மானியத்துக்கு செலுத்தப்பட்டு வந்த
ரூ.14,672 கோடி சேமிக்கப்பட்டுள்ளது. இதேபோல்,
கடந்த (2015-16) நிதியாண்டில், ரூ.7,000 கோடி
மானியம் சேமிக்கப்பட்டது.

முக்கியமாக சர்வதேச அளவில் கச்சா எண்ணெயின்
விலை சரிவடைந்ததன் காரணமாகவும் இந்த
சேமிப்பு சாத்தியமானது என்றார் தர்மேந்திர பிரதான்.
-
---------------------------
தினமணி