12 மாநிலங்களுக்கு இலவச உணவு: உச்ச நீதிமன்றம் அறிவுரை

புதுதில்லி:
வறட்சி பாதிக்கப்பட்ட 12 மாநிலங்களில் இலவச உணவு வழங்க வேண்டும் என உச்ச நீதிமன்றம் அறிவுறுத்தியுள்ளது.
-
வறட்சி பாதிக்கப்பட்ட மாநிலங்களில் வசிக்கும் மக்களுக்கு மாநில அரசுகள் நிவாரணம் அளிக்க வேண்டும். அதில் உச்ச நீதிமன்ற தலையீடு அவசியம் என கோரி சமூக ஆர்வலர் ஒருவர் பொதுநல மனு ஒன்றை உச்ச நீதிமன்றத்தில் அளித்திருந்தார்.
-
அந்த மனு மீதான விசாரணை உச்ச நீதிமன்ற நீதிபதிகள் மதன் பி லோகூர் மற்றும் ரமணா ஆகியோர் அடங்கிய அமர்வு முன்பு விசாரணைக்கு வந்தது. மனுவை விசாரித்த நீதிபதிகள், சட்டமோ அல்லது சட்டம் இலையோ, உணவு உரிமை என்பது அரசியலமைப்பில் ஒன்று தான். எனவே, வறட்சியால் கடுமையாக பாதிக்கப்பட்ட 12 மாநிலங்களுக்கு உடனடியாக இலவச உணவு தானியங்கள் உள்ளிட்ட பொருட்களையும், பருப்பு, சமையல் எண்ணெய் போன்றவற்றை மானிய விலையிலும் கொடுக்க வேண்டும் என அறிவுறுத்தினர்.
-

மேலும், நமது நாட்டியன் எதிர்காலம் குழந்தைகள் தான் என்பதில் எந்த சந்தேகமும் இல்லை என்று கூறிய உச்ச நீதிமன்றம், பள்ளிகளில் வழங்கும் மதிய உணவை கோடை விடுமுறையின் போது நிறுத்த வேண்டாம் எனவும் வலியுறுத்தியுள்ளது.
-
ஆந்திரா, கர்நாடகா, மத்தியப்பிரதேசம், ஒடிசா,
தெலங்கானா, சத்தீஸ்கர், குஜராத், ஜார்கண்ட்,
மகாராஷ்டிரா, பிகார், ஹரியானா, உத்தரப்பிரதேசம்
ஆகிய மாநிலங்களில் மட்டும் சுமார் 50 கோடி மக்கள் வறட்சியால் பாதிக்கப்பட்டுள்ளனர் என தனது பொதுநல மனுவில் சமூக ஆர்வலர் குறிப்பிட்டிருந்தது கவனிக்கத்தக்கது.