பல் தேய்ப்பது சரிதானா ?

by சிவா Sat Nov 24, 2012 8:33 pm

பல் தேய்ப்பது சரிதானா என்று என்றாவது நீங்கள் யோசித்ததாவது உண்டா? காலை எழுந்தவுடன், பிரஷ் ஷில் பற்பசையை வைத்து, "சர்ர்... சர்ர்' என்று, "விட்டேனா பார்' என்பது போல, பற்களுடன் சண்டை போடுபவரா நீங்கள்?

பல் தேய்க்கும் போது , அழுத்தித் தேய்ப்பது சரியே அல்ல; அதிலும், சிலர், ரத்தம் வந்தால், சுத்தமாகி விட்டது என்று நினைத்துக் கொள்கின்றனர், அது மகா தவறான எண்ணம்.

* பிரஷ்ஷை முதலில் வெளிப்புற மேல் பற்களில் வைத்து தேயுங்கள். அப்புறம் கீழ்ப்பக்க வெளிப்புற பற்கள்.

* இது முடிந்ததா...? அடுத்து, உள் பக்க மேல்புற பற்கள், அடுத்து கீழ்ப்புற பற் களில் தேய்க்க வேண்டும்.

* உணவுகளை கடிக்கும் பற்களின் மேற் பரப்பை சுத்தம் செய்ய வேண்டும்.

* அழுக்கு சேர்ந்தால், வாய் நாற்றமடிக்கும். அதனால், நாக்கில் சேரும் படிமத்தை சுத்தம் செய்ய வேண்டும். இதற்காக "டங்க் கிளீனர்' பயன்படுத்தவே கூடாது.
* பற்களுடன் உள்ள ஈறுகள் தான் , ரத்த ஓட்டத்துக்கு முக்கியம். அதை கடைசியாக இதமாக மசாஜ் செய்ய வேண்டும்.

சுற்றி சுற்றி பிரஷ்ஷை தேய்ப்பதுடன், மேலிருந்து கீழ் தேய்த்து, உள் , வெளிப்புற பற்களில் உள்ள துகள்களை நீக்கலாம்.

நன்றி:http://atozthagavalkalangiyam.blogspot.in/