இந்தியாவில் 3ல் ஒரு பங்கு ஏ.டி.எம்., அவுட் ஆப் ஆர்டர்: ரிசர்வ் வங்கி

மும்பை :
இந்தியாவில் இருக்கும் ஏ.டி.எம்., மெஷின்கள்
3-ல் ஒரு பங்கு ஏ.டி.எம்., மெஷின்கள் வேலை
செய்யாமல் அவுட் ஆப் ஆர்டராக உள்ளது
ரிசர்வ் வங்கி நடத்திய ஆய்வில் தெரியவந்துள்ளது.


இந்தியா முழுவதிலும் உள்ள 4 ஆயிரம் ஏ.டி.எம்.,
மையங்களில் ரிசர்வ் வங்கி ஆய்வு ஒன்றை
நடத்தியது. அதில், பல்வேறு பகுதிகளில் வெவ்வேறு
விதமான வங்கிகளின் ஏ.டி.எம்., மெஷின்கள்
பரிசோதிக்கப்பட்டன.

இப்புள்ளிவிபரங்களின் அடிப்படையில், நாட்டில்
பெரும்பாலான ஏ.டி.எம். மெஷின்கள் செயல்படாத
நிலையில் அவுட் ஆப் ஆர்டராகவே இருந்து வருவது
தெரியவந்துள்ளது.

இதுகுறித்து மும்பையில் ரிசர்வ் வங்கியின் துணை
கவர்னர் எஸ்.எஸ்.முந்த்ரா தெரிவித்ததாவது:

கிராமப்புற மக்களுக்கு வங்கி சேவைகள் அனைத்தும்
எளிதாகக் கிடைக்கப் பெறும் முயற்சியில் மத்திய அரசு
முனைப்புடன் செயல்பட்டுவருகிறது. இந்நிலையில்
இந்தியாவில் இருக்கும் ஏ.டி.எம்.,களில் 3ல் ஒரு பங்கு
ஏ.டி.எம்.,கள் வேலை செய்யாமல் எப்போதும் அவுட் ஆப்
ஆர்டராகவே உள்ளது.

பெரும்பாலான ஏ.டி.எம்.,கள் மாற்று திறனாளிகள்
பயன்படுத்தும் வகையில் மேம்படுத்தப்படாமல் உள்ளது
தெரியவந்துள்ளது. இவ்வாறு அவர் தெரிவித்தார்.
-
-------------------------
தினமலர்