திபெத்திலிருந்து நேபாளம் வழியாக பீஹார் வரை ரயில்: சீனா விருப்பம்?

பீஜிங்:
நேபாளத்தில் தனது ஆதிக்கத்தை செலுத்தி வரும் சீனா,
திபெத்திலிருந்து நேபாளத்திற்கு ரயில் பாதை அமைத்து
வருகிறது.

தற்போது, இந்த ரயில் பாதையை இந்தியா மற்றும் தெற்கு
ஆசிய நாடுகளுடன் இணைக்கும் வகையில், பீகார் மாநிலம்
வரை நீட்டிக்க சீனா விருப்பம் தெரிவித்துள்ளது..

திபெத்திலிருந்து நேபாளத்தின் ரசுவாகதி வரை ரயில் பாதை
அமைக்க இரு நாடுகளும் ஆலோசனை நடத்தியுள்ளன.
இந்த திட்டம் 2020ல் முடிவடையும் என எதிர்பார்க்கப்படுகிறது.

இந்த ரயில்பாதையை நேபாள எல்லையில் உள்ள பீஹாரின்
பிர்குஞ்ச் வரை நீட்டிக்க சீனா திட்டமிட்டுள்ளதாக மீடியாக்கள்
செய்தி வெளியிட்டுள்ளன.

இந்த ரயில் பாதை அமைக்கப்பட்டால், பீஹார் மாநிலத்திலிருந்து
சீனாவுக்கு கோல்கட்டா வழியாக வர்த்தகம் செய்வதை விட
எளிதானது என அந்த செய்தியில் கூறப்பட்டுள்ளது.

நேபாளத்துடன் ரயில் திட்டம் நேபாளம் மற்றும் நேபாள
மக்களுக்கான சிறந்த திட்டம் மட்டுமல்ல. தெற்கு ஆசியாவை
இணைக்கும் முக்கிய திட்டமாக இந்த ரயில் திட்டம் இருக்கும்.
வரலாற்று சாதனை படைக்க நேபாள அரசுக்கு ஒரு வாய்ப்பு
கிடைத்துள்ளது என்றார்.
-
--------------------------
தினமலர்