தண்ணீரில் ஓவியம் - ஆச்சரியப்படுத்தும் துருக்கிய கலைஞர்

by rammalar Thu Jun 16, 2016 9:50 pm

நியூடெல்லி:

துருக்கி நாட்டை சேர்ந்த ஓவியக் கலைஞர் தண்ணீரில் ஓவியம் வரைந்து ஆச்சரியத்தை ஏற்படுத்தி வருகிறார். இவரது "ஸ்டேரி நைட்" எனப்படும் இரவை காட்சிப்படுத்தும் நீர் ஓவியத்தை 24 மணி நேரத்தில் 95 லட்சத்துக்கும் அதிகமாக பார்வையிட்டுள்ளனர்.

துருக்கி நாட்டை சேர்ந்த கரிப் ஐ என்ற ஓவியக் கலைஞர், இப்ரு எனப்படும் தண்ணீரில் ஓவியம் வரையும் கலையில் பல்வேறு நுட்பமான படைப்புகளை உருவாக்கி சாதனை படைத்து வருகிறார். இப்ரு எனப்படும் ஓவியக் கலை 17ம் நூற்றாண்டில் மத்திய ஆசியாவின் ஒரு பகுதியில் கண்டறியப்பட்டதாக கூறப்படுகிறது.

மேலும் ஐரோப்பாவின் சில பகுதிகளில் 15ம் நூற்றாண்டில், துர்கிஷ் காகிதம் என்ற பெயரில் செயல்பாட்டில் இருந்ததாக கூறுகின்றனர்.

இப்ரு முறையில் ஓவியம் வரைவதற்கு ஒரு பாத்திரம் நிறைய தண்ணீர் எடுத்துக் கொண்டு, அதன் மேற்பகுதி முழுவதும் எண்ணெய் கொண்டு மூடப்படுகிறது. இதன்மூலம் தண்ணீரின் மேற்பரப்பு தடினமாக மாறி, ஓவியத்தின் வண்ணங்களை அந்த படலத்தின் மீது இருத்திக் கொள்ள உதவுகிறது.

இதையடுத்து காகிதத்தை தண்ணீரின் மேற்பகுதியில் வைக்கின்றனர். பின்னர் காகிதத்தை எடுக்கும் போது, தண்ணீரின் ஓவியம் முழுவதும் காகிதத்தில் வரைந்தது போன்று காட்சியளிக்கிறது. மேலும் தண்ணீரின் மேற்பகுதி முழுவதும் மீண்டும் பழைய நிலையில் தோற்றமளிக்கிறது.

இப்ரு முறை மூலம் வரையப்படுபவை, ஒவ்வொரு முறையும் வித்தியாசமான தோற்றத்தை காட்சியளிக்கிறது. இதன்மூலம் ஒருமுறை வரைந்த ஓவியத்தை மீண்டும் பெற முடிவதில்லை என்று ஓவியக் கலைஞர் கரிப் ஐ தெரிவித்தார்.

இந்நிலையில் "ஸ்டேரி நைட்" எனப்படும் இரவை காட்சிப்படுத்தும் நீர் ஓவியத்தை கரிப் இ படைத்துள்ளார். இந்த ஓவியத்தை இணையத்தில் பதிவேற்றிய 24 மணி நேரத்தில் 95 லட்சத்துக்கும் அதிகமானோர் பார்வையிட்டுள்ளனர். இதன்மூலம் ஸ்டேரி நைட் ஓவியம் உலக அளவில் புதிய சாதனை படைத்துள்ளது.
-
;தமிழ் சமயம்...

by rammalar Thu Jun 16, 2016 9:51 pm

தண்ணீரில் ஓவியம் - ஆச்சரியப்படுத்தும் துருக்கிய கலைஞர்

தண்ணீரில் ஓவியம் - ஆச்சரியப்படுத்தும் துருக்கிய கலைஞர்

Re: தண்ணீரில் ஓவியம் - ஆச்சரியப்படுத்தும் துருக்கிய கலைஞர்